القصه الحقيقيه #قدري_الاسود
بقلمي #الكاتبة_شهناز_الخزعلي #جيمن_جلال
يلم بيه الحزن ساعه ولم بيه
وعليكم گلبي يوجعني وألم بيه
الحزن تفصال ومخيط ولم بيه
لبسته وماقبل يعتگ عليه..
غادة/ثاني يوم نزلت اول ماوصلت للصاله هلهلت ليلى متقصده تسمعني جان سامي كاعد وامه يمه خزرها التفتت الي كالت"
ليلى: تعاي باركي لرجلج البارحه عريس ....
سوتها شقى بس هيه متقصده تغيضني . ماهمني كلامها لان هو نص اليل قضاه بحظني ابتسمت اجيت يمه كتله"
غادة: مبارك حبيبي الحمدلله من صارو جهالك بحظنك
.....نطت.....ليلى "
ليلى:ومرته هم.
التفتلها كتلها "
غادة:شدعوة فرحانه تكول رجلج متزوج عليج
ليلى: اسم الله عليه ليش عيني يتزوج عليه
غادة:مادري ماكو رجال يعوف زوجته اشهر ابيت اهلها ومايسال الا اذا متزوج .
لزم ايدي سامي بمعنى اسكت سكتت ومادرتلها بال حجت لمن تعبت تالي سكتت ويمكن فكرت بكلامي .. اخيرا كدرت اغيضها .......
قسم الايام سامي يوم الي ويوم ل انعام يو يكون عندي هدوء واحسه مرتاح ويوم يكون عدهم الصياح يوصل لراس الشارع
مره تعاركو واسمعها تكوله "
انعام:روح روح لهاي الاخذتها مدري من يازباله مانعرف اصلها فصلها....
انا واكفه يم المغاسل اسمعه بس يصيح بدون ماافهم كلامه نزلو الجهال يشترون من شافوني ركضو صعدو
اسمعها تكوللهم "
انعام:ها طردتكم مرت ابوكم اي عيني اذا هيه ماخذه الطابق الجوة كله وصايره هيه ام البيت.
حيل غثني كلامها دخلت جوة
مره صمنا اثنينا انا وياه هو متسحر عدهم وفطورة يمي انا من العصر كملت الفطور وصليت وانتظرته شويه واجه راح يصلي وانا اجهز بالفطور اجت عبير شايله صينيه بيها اشكال استغربت المن هاي الصينيه
غادة: المن؟
عبير: لسامي
غادة:ا منين منو دزها؟
عبير : انعام دزتها اله .....
غادة/انا مو معصومه هم عندي اغلاط وعندي غيره ومرات عقلي يصير عقل طفله...
غادة:ليش تدز عشا لعد انا شنو مو مسويه عشا
عبير:والله مادري تكول سامي كاللها مشتهي من ايدج عشا .
تخبلت يطلب منها ليش شبي طبخي فقد كل عقل وصرت اتصرف من باب الغيره وبس شلت الصينيه وخليتها على الدرج
غادة:هاي عشاج وسامي ياكل من الاكل الانا اطبخه ...
لهاي اللحظه ماشايفتها انعام ولاملتقين صار شهرين من رجعت
طلع سامي على صوتي كال"
أنت تقرأ
قدري الاسود
ChickLitحقيقيه اجتماعيه ...خيانه..حب..معاناه ..امراه من جيل أخر بقلمي الكاتبه شهناز الخزعلي..جيمن جلال
