الحلقة(15) من #قدري_الاسود
بقلمي #الكاتبة_شهناز_الخزعلي
_____________________________________
غادة/ورا يومين عن حديثنا وتوعد ابوي ل يحيى
اجه يحيى بس غير الوجهه الي اجه بي وجهه ذبلان وشعر لحيته واصل لصدره وشعره مكفش كانو طالع من السجن ومبهذل رحت سلمت عليه ردت ادخل للاستقبال اشرلي اخوي رحت يمه بالباب.
بسام:ترا وياه رجال مااعرفه.
غادة: منو؟
بسام: يكول ابن خالته.
رحت لبست عباتي ودخلت سلمت وياه ابن خالته الي جان يجي يشتغل يمهم سلم عليه الولد بدون حتى مايرفع راسه شكد شايل اخلاق .
يحيى: يله جهزي روحج حتى نطلع
غادة:ماعندي شي .
كملت وبوست امي واخواتي وطلعت بالسيارة الي مااجرها .
بالباب يسولف وي ابوي
كال ابوي لاخوي وصل اختك للسياره عندي حجايتين يم ابن عمك.
مشيت للسياره وعيني عليهم واكفين صفح واشوف ابوي يحجي بعصبيه بدون صوت ويااشر بااديه وهذا يحيى من الغضب احس يريد ينفجر دقايق واجه فتح الباب وطبكه حييل .
صاح السايق
_ خير خويه شلعت الباب سيارتي اريدها ترا .
يحيى:سوق وانت ساكت ترا مااجرك بفلوسي
_مااجرني مو مشتريني.
شفت النقاش راح يكلب عركه واحنا بعدنا اباب اهلي
ابن خالته كاله :خويه امسحها بوجهي ترا الاخو تعبان ومريض اعذره
طلعنا الطريق كله يتاافاف احس لو بيده جاتناوشني من ورا الكشن وكطعني بس ابن خالته يهدء بي
مشت السياره بس مو باتجاه بيتنا لا بغير طريق ضليت صافنه لااكدر اسال وهم اثنينهم سكته وحتى السايق مدلغم ساعتين مشي بالسياره ودخلنا منطقه زراعيه كلها خظار واشجار كمت اباوع من الجامه شحلو النظر نسوان بدشداشه وعلى روسهن جدر ماي والماي يتبده على اكتافها وهيه بهمه.. ممهتمه بالي ايباوعون وكانو شي عادي ..
واخيرا وصلنا كبال بيت من طين سياج من قصب والداخل غرف مبنيه من طين زغيره طلعن سلمن علينا نسوان وتباوسن وي يحيى وهو هم بوسهن استغربت منو هذول وشنسوي هنا ؟
شويه وطلعت حماتي الجبيره فرحانه وتهلي وترحب بينا بطريقتها شاده عبايتها على خصرها يسمووه( وزار)
ومجموعه حطب على راسها شمرتهم بالكاع واجت تسلم علينا اكلتني بالسلام والبوس واخوها كذالك . عرفت هذول بيت خالته عيال حماتي....
وي السلام والمحاظن والترحيب صار الغروب فرشو السجادات للصلاة رحت توضيت واجيت لكيت واحد واكف يركع ويسجد استغربت منو رجلي العمري ماشفته صلى لو صام واكف يصلي معقوله الله هداه لو رياء كدام بيت خالته
بيقت صافنه عليه .خلص باوعلي
أنت تقرأ
قدري الاسود
ChickLitحقيقيه اجتماعيه ...خيانه..حب..معاناه ..امراه من جيل أخر بقلمي الكاتبه شهناز الخزعلي..جيمن جلال
