الحلقة(45)من القصة الحقيقية #قدري_الاسود
بقلمي #الكاتبة_شهناز_الخزعلي
دموعي من سواد العين.... يارن
عمن ماضن بعد ياصاح ....يارن
المصايب بس علي بذات....يارن
سره ويزاودن شو بس عليه......
غادة/من دك علية الاتصال ورديت.....
سمعت صوت رجل ..كال"
_ الو
غادة: نعم تفضلو هذا الرقم من امس يتصل منو حظرتكم؟؟
سكته محد جاوب سديته
ورا دقايق اتصل ... كلت'
غادة: اذا ماتحجون اسد الخط ..
_لحظه قبل لاتسدينه انا سيد فضل ابو عادل ؛؛؛؛؛
ضليت متصفصفه شسوي ومنين جاب رقمي وشنو هالجرئه الي خلته يتصل ...؟
رأسا سديت الخط
سارة" شبيج منو ؟؟
غادة: ابو عادل السيد ...
دكت على صدرها بشهكه كالت"
سارة: منين جاب رقمج
... بغضب رديت .. كتلها"
غادة: اكيد زوجته انطته اله بس هاي لو مجنونه لو حياله شنو تزوج زوجها .....؟
سارة"شبيج فكري والله احساسي مايخيب
غادة:عوفي احساسج المايشتغل بس بالاكل
ترديني اصدك احساسج هسه ..
ثاني يوم ..اتصلت زوجته تعتذر عن الموقف
كلتلها'
غادة: ليش هذا التصرف ابد ممقبول شنو تحرجيني وتنطين رقمي للرجال ترا ماصايره ؟
وعيب اصلا لااعرفه ولايعرفني شنو يتصل عليه
ام عادل: اعذريني والله صارت بعد وماتتكرر الا بموافقتج !!
غادة: مااوافق وخلص
ام عادل: انتي ليش قافله وداعه جهالي ادللج دلال ؛؛؛؛؛
ضليت صافنه على كلامها ...وانهيت كلامي وياها بدون رد او جواب ....
خلصن ١٥ يوم ورجعو اهلي من العمرة
وممبقين شي مجايبينه صوغات امي جابتلي محبس ذهب بي شذرات لون ازرق على شكل دمعه حيل عجبني حظنتها وشكرتها ...
غادة: ماما شعندج انتي وتشترين والله ماالبس
ماما: لا ماما والله من طلعت منا كلت اجيبلج هديه حلوة
ولكيت هاي وعجبتني ...
سولفولنا على سفرتهم وشلون خلصو العمره بمشاقتها وجمال السعوديه .....
حسيت اكو تغيير بالينا دائما وحدها وتحاول تخفي شي اكلها قليل وتفكر هواي . ومرات الكاها بالغرفه وحدها من تشوفني ترتبك ....
مره اجتنا هديل اختي عازمينها غدا
بعد الغدا رحت اغسل المواعين
شفت هديل همست الينا واخذتها للغرفه
حسيت اكو شي جاي يصير
عفت المواعين ورحت وراهن دكيت الباب مغلوق
دكيت حيل وصحت "
أنت تقرأ
قدري الاسود
ChickLitحقيقيه اجتماعيه ...خيانه..حب..معاناه ..امراه من جيل أخر بقلمي الكاتبه شهناز الخزعلي..جيمن جلال
