الحلقة(4) من الرواية الحقيقيه #قدري_الاسود
بقلمي #الكاتبة_شهناز_الخزعلي #جيمن_جلال
________(نقطة تحول) _________________
غادة /وبطلت نهائيا من المدرسه....فكرت بطريقه شلون اقتله ل ابويه وجسمي يرجف ماعرف الطريقه ولاتبعاتها شلون راح تكون ...
المهم اخلص منه ومايجي اليل ااااخ ياليل شكد الي وياه قصص ...
اخاف يجي اليل ويهجم عليه واني ماعندي الي يدافع عني اخوي جان متخذ الغرفه الفوك مملكه محد يوصلها ومعتكف بيها اخاف اذا ماوصلي يروح لاخواتي جنت اليل كله ماانام احرس اخواتي وهن زغار صرت مثل ام تحرس اطفالها فكرت بعقل طفولي اسممه وشلون عندي دوا شراب خافض للحرارة ممحلول طوز كلت اخلي وي الجاي اليشربه ويتسمم ويموت كل عقلي اذا شرب الجاي وي شراب خافض الحرارة يموت يصورلي يصير سمم بس حالتي بس الله يعلم بيها جسمي يرجف وعظامي تختض وكانو سعفه.
خلصنا غدا واني اباوعله بحقد واكول بكلبي خلص مابقى شي واموتك واخلص منك ومن هذا العذاب
رحت غسلت المواعين وكملت الجاي فتحت الشيشه مالت الدوا وخليت ملعقه من الشراب الطوز وي الجاي صار لونه جوزي خفت يشوفه ويعرف هذا سم ..اديه ترجف لازمه الستكان ويرجف وي رجفت ايدي كلبي احسه يريد يطلع من مكانه اسمع دكاته توصل لباب الحوش والخوف يلعب بكل عضو بجسمي ... امشي بخطوات ثكيله للغرفه حتى اقدم الجاي المسموم الي هو عباره عن جاي وخافض حراره ..امشي واحجي وي نفسي اذا مات هم رب العالمين يحاسبني هم ادخل السجن ماكدرت من الخوف اخذت الستكان وشمرته بالمغسله وكمت ابجي استسلمت كلت لازم اواجهه هاي اليله كعدت بالكاع حاطه ايدي على راسي ودموعي تصب المنو اشكي كمت سلمت امري لرب العالمين وغيرت الجاي لاانضرب غسلت الستكان وصبيت جاي واجيت اقدمه اله استوني تقدمت للغرفه واجت اختي الزغيره تركض كالت اجه خالي جان ساكن بغير محافظه وكل فتره يجي نحبه حنين ويجيبلنا اشكال والوان جان يمووت على امي .
من كالت اجه خالي مااكدر اوصف حالتي كمت ابجي من الفرحه لان نقذني ماعرف بلحظتها الزم خالي ابوس رجله اباوعله بممنونيه هو مستغرب نظرتي...
كال خالو :محتاجه شي حبيبتي...
يالله شكد احبه خالي واحب حنيته ...
كتله خ:الو راح تبقى يمنا .
كال: ترديني ابات .
ودي اصرخ واكوله اي خالو بااات حتى انام مامنه.
كال: خلص ابات يمكم وانتظر ماما لحد مترجع...
كمت اكمز من الفرحه ابوي خزرني عود صرت كبيره على التكمز مايعرف اني فرحتي لان راح يجي اليل ويمي الي اامن وانام وانوم اخواتي فرحانه اشتغل وافتر خالو حلش احبه واموت عليه شافني ابوي فرحانه
كال
بابا:البسي حجاب عيب من خالج.
استغربت .....كتله
أنت تقرأ
قدري الاسود
ChickLitحقيقيه اجتماعيه ...خيانه..حب..معاناه ..امراه من جيل أخر بقلمي الكاتبه شهناز الخزعلي..جيمن جلال
