حلقة(41)من قصة الحقيقيه... #قدري_الاسود بقلمي #الكاتبة_شهناز_الخزعلي #جيمن_جلال
غرباء
نمضي حيارى
نبحر ليلا" في مركب من خيال
نمشي على أقدامنا من محال
مكبلين بأصفاد الأسى
لاأرض تأوينا ولامرسى
ويسألنا الزمان٠٠؟
عن الأماكن فوق الثرى
هل؟
تحمل بسمة طفل
أو شعلة ثائرة
قلنا٠٠نعم
نظن ذلك
قال٠٠
أذن لابد أن يأتيكم
الحزن تارة
وأخرى بالفرحة العابرة ؟!
غادة/مرت الايام على الناس كلها طبيعيه بس انا لا تفرق عندي الايام واليالي والدقايق
كل ثانيه تمر عليه اصعب من القبلها
كل ثانيه تمر اترجا تحن قلوب العباد ويرجعولي ابني أمير بس لاحياة لمن تنادي .. ابد مأيست من رحمه الله ..صعدت على السطح اعزل الغرفه الفوك صفيت الكنتور البوفيه لكيت باب من الكنتور مغلوق حاولت افتح ماكو صحت لسارة كتلها "
غادة:اريد مفتاح الكنتور ليش مغلوق ..؟
اجتني تركض كالت"
سارة: شكو بي ليش تردينه؟
غادة: جاي اعزل بلكنتور وهذا مينفتح انطيني المفتاح
سارة:عوفيه اني اعزله.
استغربت ليش هيج مصرة ماتنطيني المفتاح تركتها مالحيت
ورا اسبوع لكيت مفاتيح الكنتور على الميز بصف كتب سارة
اخذته وصعدت للكنتور اشوف ليش ماقبلت تنطيني افتحه اول مافتحته شفت اغراض امير من كاروكه وملابسه وبطانياته وحتى خرخاشاته
اول ماشفتهن شهكت شهكه شكت صدري طلعتهن بحظني وكمت اشمهن وابجي وسولف وياهن
طلعت موبايلي واتصلت على حماتي الكبيره
كلت بلكي تأثر عليهم يرجعونه الي ....
اتصلت ورا دكتين ردت بس من ورا خشمها تحجي وبأسلوب مستفز
كالت"
_ ها شعندج متصله استغربت هيه اخر مرة هيه اتصلت بيه وطلبت مني ارجع قبل ..
غادة: ابني شلونه ؟
_ ورا ماشمرتيه جايه تسالين هسه ؟
ماكلتي ابني منو اله شنو من امهات انتن حرامات الله يطعمجن الخلفه ولج ابنج داخل مستشفى صار يومين مريض ......
...شهكت...
غادة: ليش شبي ابني رجعو الي
_شنرجعه عيوني ابنج عند امه
غادة: ليش امه منو غير اني .
_لا عيني انعام امه تعبت وسهرت ودخلت بي مستشفى طبعا امه . قابل انتي الشمرتيه . وج غادة تسجنين اخوي وجايه تسالين على ابنج ؟ بعد لاتتصلين وتمسحين رقمي نهائيا سمعتي لو لا .....
سدته بوجهي وانا يوميه تنكشف اليه وجوهم الحقيقه ويوميه صدمتي تتجدد
لطمت على خدودي ابني بالمستسفى وانا هنا مااعرف عنه شي وانعام هيه امه هاي تاليتج ليش هيج يربي شمسويه ؟؟؟؟
أنت تقرأ
قدري الاسود
ChickLitحقيقيه اجتماعيه ...خيانه..حب..معاناه ..امراه من جيل أخر بقلمي الكاتبه شهناز الخزعلي..جيمن جلال
