الحلقة(3) من رواية #قدري_الاسود بقلمي #الكاتبة_شهناز_الخزعلي
الوكت مابي صوج باقي بمسيرة
بعض البشر ياحيف بايع ضميرة 💔
غادة/خلصت الابتدائيه وبدت العطله . . .
جانت امي تخاف علينا من وحوش البشر الي برا بس عادي متخاف علينا من وحش الي بلبيت.
جنه نلعب ونطفر اذا ابوي بالدوام بس اذا بالبيت لا ندخل انذار البيت صنته....حس الابرة اذا وكعت ماينسمع حسها محد يفتح حلكه، والظهر اذا طفت الكهرباء نلزم سره نهفي ل ابويه بالمهفه وياويله الي يتعب لو يشكي كل واحد يستلم ساعه من تطفى الكهرباء لحد ماتشتغل وكفه وهو ينام بالكاع تطيح رجلينا بس محد يكدر يحجي.
مرات ينقذنا صديق بابا يجي عليه يكله :
_ولك حرام عليك ذوله جهال جاي تعذبهم.
يرد عليه ابويه يكوله ل:عد المن اريدهم شستفاد منهم.
صديقه جان ينزللنا وكانو ملك وينقذنا ياخذه ويطلع ،
بديت اكبر واتحمل مسؤليه واتعلم اطبخ شغلات بسيطه واهتم بااخواني واخواتي امشط البس اسبح.
اجه اخوي الثاني للدنيا من الولد بعد البنات ال٤ بالترتيب هذا احتل قلب ابوي بااعتبار صار بعد ٤ بنات وهو دنفوش ومحبوب ...
صار اخوي يغار منه تعلق بيه كلش ويغار منه من يلزمه ابوي اشوف بعيونه كاانو يريد يموته .
بدت التقديم على المتوسطه ....
اخوي كال :ماتكملين ماتكملين اموتج وماتكملين اصر على ابوي وكيف ابوي قررو انو مااكمل دراسه وحدي.
صف سادس استسلمت لان مابيدي شي.
جنت احب ارسم شخصيات كارتونيه اغروني باانو راح نشتريلج رسم والوان وترسمين ونطلعج ويانا وين منروح فرحت سكتت كلت بكل الاحوال مبطليني وستلمت البيت طبخ تنظيف جنت ضعيفه البنيه ودائما اشكي من معدتي لدرجه الاغماء اكثر من مره صارت عندي هاي الحاله اخذوني للطبيب طلعت عندي جرثومه تااذيت وماكو اكل مغذي ولاعلاج.....
______________________
خلصت العطله وبدت المدارس تبدي جنه كاعدين العصر نفرج رجلين بابا
كتله:
غادة: قدمولي متوسطه .....
حجيتها من باب الضحك والمزح
بابا: بنفسج تكملين؟
ابتسمت ....
غادة: اي .
بابا:من باجر اقدملج وتداومين ...
غادة: بابا انت كلت تبطلين ؟
بابا: وغيرت رااي ها ماتردين ؟
طرت من الفرح
وجهه كلامه لاخوي بسام كاله باجر تاخذ اختك تصور وتكمل معاملتها وتقدملها متوسطه.
اشوف اخوي صار نار
بسام: يابه مو كلنا ماعدنا بنات تكمل.
بابا: عادي خلي تكمل متوسطه....
أنت تقرأ
قدري الاسود
ChickLitحقيقيه اجتماعيه ...خيانه..حب..معاناه ..امراه من جيل أخر بقلمي الكاتبه شهناز الخزعلي..جيمن جلال
