قدري_الاسود #القدر_المظلم
#الكاتبة_شهناز_الخزعلي
الحلقه(2)
أنا طفله ...تتلذذ سياط أبي على جسدي ...
ألا يحزنك صوت أنيني..
الله غفورا رحيم وانت ماترحم ونيني
أنا اتحاسب أن أغضبتك يوما ؟
وانت يابويه سوطك يزيد أنيني
لااعلم مالذي يحدث ؟
وبالعجل مرت سنيني .......... الشعر تأليفي.... #الكاتبة_شهناز_الخزعلي #جيمن_جلال
#قدري_الاسود
غادة/صارتلي عبره ماامد ايدي لشي بس مو شغله فهم هذا الشي حرام لو غلط لا شغله خوف وبس.
كبرت صف سادس ابتدائي جانت امي من باب انو
تغورني تخليني اغار من فلانه وعلانه شوفي بكدج
وشايله البيت كله وتنظف.....ومرات حتى تذمني...مرات
تحسسني أني ولاشيء ...أمي خلتني أكبر واتقدم
بالعمر واني طفله ...
خلتني اكوم اسويلي شغله واتكاسل بعدني ممتحمله
مسؤليه بعدني ماشبعت من العب والركض مثل باقي الاطفال .
جنت اشوف اخواني اطفالي احن عليهم واحبهم من يتمرض واحد منهم اتمرض قبله.
واذا انضرب واحد منهم صح مالي جرئه اتقدم واخلصه بس من يخلص من التعذيب اجي اني اواسيه واكله ميخالف ابونا يحبنا ميكرهنا
واقشمر على نفسي وعليهم بس حتى نعيش مثل باقي العوائل او الي جانو يكولونا النا هذا ...ماكو توعيه مره كعدو ويانا!! وهذا ميصير لان غلط لان حرام؟
لاا هذا مايصير لان وراها تتعاقب ....وبس ...العقاب
مرة راحت امي زيارة لاحدى جاراتنا جانو جيرانا عدهم شجرة عنب جنه نشوف عنب بس بكتب العلوم والتلفزيون بس ماضايكين طعمه شنو وجانت الشجرة متدليه على سياجنا وممنوع احد يقترب منها وكأنما شجرة الخلد الي طلعت ابونا ادم من الجنه بس نباوعلها بعيونا ....
ابنهم يهددنا ياويله الي يلمس ورقه من اوراقها يضربه و احنه عائله مسالمه لاندخل بااحد ولاجار مشتكي منا
الا.. هالمرة الي طلعت امي بيها من البيت صاحني اخوي بسام ......
بيومها جنت كاعده العب بهدوء.....
بسام:تعالي.
غادة:شنو
بسام:دام ماما طالعه وماكو احد خل نروح لشجرة العنب ...
غادة:لاعفية اخاف بابا يعرف لو يشوفونه .....وهذا ابنهم.
بسام:لا منو ينتبه علينا وبعدين هي شجرة شكبرها حتلو اخذنا واكلنا محد يحس .
غادة:اي والله لعد يله ...
وصعدنا على السياج وكمنا نكطع وناكل طبعا اي شغله يسويها اخوي لازم يصيحني اشاركه ماعرف السبب هو حتى نتشارك التعذيب هو جان جبان ويخاف اله اني وياه ...
أنت تقرأ
قدري الاسود
Romanzi rosa / ChickLitحقيقيه اجتماعيه ...خيانه..حب..معاناه ..امراه من جيل أخر بقلمي الكاتبه شهناز الخزعلي..جيمن جلال
