الحلقة(18) من #قدري_الاسود
بقلمي #الكاتبة_شهناز_الخزعلي #جيمن_جلال
_________________________________
ترس روحي الضباب وبينت وياك
كلي بروحك امشي وجرحي ما شفته
انه بالنسمة أعثر وانت قيس الحال
مو جدمي وراك خيالي ما شلته
وأجي بواهس عذر وحروفي مني تطيح
واتبده اعلى وجهك مستحى وسكته
وأنخل غير وجهك واليطيح تراب
وانكتهم واهزهم بس تظل انته
رمح فركاك إجاني مسابك ويا الريح
ماقصرت تسلم بالنفس جبته
بس المحترك يفهم حجي الدخان
ويعرف حرورته ويفهم سبب علته
مثل عاشك بغربة ومره وكت غروب
يفرفح من يمر طاري الهوا يموته
قدري الاسود............
______________________
لينا/استسلمت للامر الواقع وطلعت من كبسوله الخيال الي خلقتها النفسي ..
حبيت اسعد حب طفولي شفت عطفه وحنانه وسؤاله عني حب حسيت اني طفلته ولازم اقابله بالاحسان انو اصبر على امه واخواته كمت اكعد من الصبح اسوي ريوك واحضر ملابسه والبسه حتى الحذاء اشوف بعيونه نظرة فخر وامتنان
اخلص شغل البيت سكته اخواته كلهن اكبر مني بالعمر
امنه مواليد ٧٢
شهدمواليد ٨٤
وفاء مواليد ٨٥
ماعرف ليش التاخر بزواجهن بس من عاشرتهن وشفت حياتهن وطريقتهن بالتعامل بعد عنهن كل الخطاب من يتقدم احد الهن يقابلنه وجه لوجه ويتشرطن هذا الشي قلل فرصهن بالزواج جنت اشوف بعيون وفاء غيره وحقد ماعرف سببها احاول بكل طريقه اصادقها لان تقريبا سنتين فرق
دائما تقابلني بالصد وكلمات جارحه
دائما تكولي على شنو اخذج اخوي وانتي عيونج عمص (زغار) من اسمعها اضل ابجي واكابل المرايه وافتح بعيوني واكول هسه اسعد يطلكني لان عيوني زغار
مرة سمعني اكوله:
لينا: شتحب العيون الزغار لو الكبار؟
ابتسم كانو يعرف الاقصده اشر على عيوني وكالي"
اسعد: اكو احلى من العيون الزغيرونات شحلاتهن...
فرحت بداخلي وكتله"
لينا:لعد ليش يعيبون على عيوني
اسعد: الي يعيب عليج يغار منج لان ماواصل حلاتج
كلامه بث بيه سعاده وثقه
ثاني يوم اجت زوجه صديق اسعد اسمها ايمان وهيه تصير صديقه وفاء كلش استقبلتها وقدمت الكيك والعصير وكعدت وياهن بس الي حسيته وفاء متضايقه من كعدتي وياهن كلت اكوم احسن يجوز عدهن موضوع اترخصت من البنيه وكمت .....
كملت غسل ملابس وصعدت اشرهن بالسطح مديت راسي من البلكونه سمعت ضحك عالي ثار فضولي الصوت لوفاء تقربت اكثر اسمعها تحجي وي ولد بتلفون ....
وتكوله "
وفاء:عفيه كررها مشتاقتلك...
ضليت مصدومه منو هذا المشتاقتله ومنين جابت تلفون ...
حست اكو شخص يراقبها دخلت بسرعه للبيت كملت الملابس وانا فكره تجيبني وفكره توديني عفيه بنيه صلفه ابيت اهلها وتخابر ولد زين شلون اكول لعمتي يبووو تطلعني فتانه وتدخلت باامور بناتها ويجوز تعرف ابتها .
أنت تقرأ
قدري الاسود
Chick-Litحقيقيه اجتماعيه ...خيانه..حب..معاناه ..امراه من جيل أخر بقلمي الكاتبه شهناز الخزعلي..جيمن جلال
