الحلقة (64) من القصة الحقيقية #قدري_الاسود
بقلمي #الكاتبة_شهناز_الخزعلي #جيمن_جلال
تعال ألشوك ذوب جفن العيون
كمت أنطر حلم وأشبك طيوفك
يمر ليلي بغيابك كلة أهاااات
كلي بيا طريقة أليوم أشوفك
تعاااال ألروح هاجت وينك شبيك
كلب واحد أملكة وما يعوفك
يا واهس طفل جابولة ثوب ونام
جرح بية صرت مايوم أروفك
غادة/الحمدلله على كل حال
كلمه عوضتني بهواي امور ....
بعد كل مصيبه اوكع بيها اكول الحمدلله على كل حال
بعد كل فقدان اعيشه احمدلله في السراء والضراء
اقرب الناس الي جانو يكولولي انتي صبورة وصامده
ومرات من اكلم نفسي اكول شكد قويه بعد كل محنه ادخلها اطلع منها اقوى ...
اخذتني سارة للدكتور وكشف عليه ونفس كلام الدكتورة القبله الطفل مشوه ومايعيش لحظه وحده بعد الولاده
اخذت اوراقي ورجعنا للبيت
الطريق كله سارة تصبر بيه وتهون عليه مصيبتي ...
اول مادخلت للبيت صرخت وج يمه الحكيني
وج يمه بيش تنسيتي بيه ؟
ليش مكتوب عليه الالم والقهر وشلعان الكلب لييش
انا وحد بس انا بالكون
أمي مستغربه وتصيح شبيج يمه غادة شبيج !!
جاوبتها سارة"
سارة:يمه غادة ابنها مشوه ومايعيش لحظه وحده اذا ولدته
امي: شنو يعني
غادة: يعني هذا هم اخسره هم هم ادفنه وي اخوانه ليش يمه يصير بيه هيج ليش مامكتوبلي اعيش مرتاحه مثل البشر .
كابلتني وكامت تبجي
أمي:يمه ليش تفقدين الامل ربج قادر يحي العظام وهيه رميم ربج رب رحوم وغفور
يجوز كلامهم مو صحيح
نسيتي بنت عمتج من كلولها بيها ولد ومن جابت طلعت بنيه وهيه مجهزه جهاز ولد
مو كلهم كلامهم يطلع صحيح
ليش تتوقعين الاسوء ؟
غادة:يمه مو توقع دكتورة شرحتلي الحاله
يعني كل امل ماكو وغيرت الطبيب ونفس الكلام
امي: خلي املج رب العالمين جبير ...
اتصل فضل حتى يطمئن رحت للطبيبه لو لا
اول مافتحت خط بجيت
خاف وصاح....
فضل: غادة شبيج منو وياج ليش تبجين ؟
غادة:فضل ابني
فضل: شبي ؟!
غادة: مشوه ...
فضل: لاااا شلون
غادة: رحت للدكتوره وطلع بالسونار بدون جمجمه
فضل ابني هم مايعيش فضل هم راح ادفنلي ولد بالتراب مو خلصت روحي ليش يصير بيه هيج
فضل:يروحي خلي ايمانج بالله جبير وارجع واخذج لاحسن دكتور
غادة: ماريد مااروح لاي دكتور راح ابقى واكعد واسكت
أنت تقرأ
قدري الاسود
ChickLitحقيقيه اجتماعيه ...خيانه..حب..معاناه ..امراه من جيل أخر بقلمي الكاتبه شهناز الخزعلي..جيمن جلال
