الحلقة(66) من القصة الحقيقية #قدري_الاسود
بقلمي #الكاتبة_شهناز_الخزعلي #جيمن_جلال
غادة/بعد الحلم كعدت عندي اوجاع فضيعه
خابرت على سارة تجي من الجنوب مااعرف ليش صارت روحي بيها ...
وفعلا اجتي سارة ومعن بنفس اليوم من شافت حالتي كالت "
سارة:غادة حبيبتي يجوز الله يريد يخلصج منه وهذا امتحان من ربج ويعوضج بالاخره
غادة:سارة اذا صبورة اي يجازيني بلاخره بس صاير عندي جزع وملل من حياتي المتكرره
صار عندي خوف تنعاد عليه كل ضيم عشته
سارة: انتي مثال الي احتذي بي بحياتي
الصبر من الله ربي يصبرج
....بليل قوت اوجاعي وصارت عندي ولاده
تخبلت شلون واني بشهر السابع !!!
ركضت امي كعدت عامر واجاني يركض عمت عين اخته
شالني وخلاني بالسياره وخابر على هديل حتى تجي وياي مرينا عليها واخذناها بطريقنا
وصلنا للمستشفى بوقت متأخر بس الطبيبات الخفر ومالهن خلك يحاجن احد ولاترد جواب
من شافني الممرضات اطلك وحالتي حاله ولان عندي ضغط
اجتني مريه جبيره بالعمر ممرضه كالت "
_يمه تطلكين؟
غادة:الحكيني خاله راح اموت .
راحت ورا شويه رجعت وياها الدكتورة
فحصتني الدكتورة كالت"
_ عندج ولاده مبكرة لازم عمليه
صاحت على الممرضات يحظرن غرفه العمليات ويحظرني
سالتني على وضعي ومراجعه طبيبه وعلى وضع الطفل
كتلها"
غادة: دكتورة مشوه كلولي
_ شنو لعد ليش حبلتي شنو متفتهمن انتن
هم عمليه وهم ميعيش مافكرتي بصحتج لو بس تفكرن تخلفن وترسن البيت تفكير همجي .....
... انا بياحال.. الالم جسدي ونفسي وهاي كاعده ترزل بيه على شي موبيدي الي يراجعها يطيب نفسيا من اسلوبها الحقير والمستفز
مستسلمه مابيدي شي اسوي حظرو الغرفه وقبل لاادخل اجتي سارة كتلها"
غادة: شجابج وابنج وين عفتيه .
سارة: معن هنا وياي وعنده خليت علاوي ...
باستني هيه وهديل وكالت"
سارة:لاتخافين هسه الله يفرح كلبج باابنج وتشوفيه
غادة: يعني اكو امل يعيش ..
هديل: يابعد روحي انتي ماكو شي مستحيل على رب العالمين .
غادة: ونعم بالله ..
التفتت لسارة
غادة:سارة اذا صار عليه شي وماطلعت ديري بالج على ايلاف انتي امها بعدي لاتحسسنها بيتم ولاتخلن فضل ياخذها لالاء ترا تكتلها ...
بجن من كلامي وكالت هديل "
هديل:غادة شنو هذا الكلام هسه تطلعين ومابيج شي انتي وابنج ..
أنت تقرأ
قدري الاسود
ChickLitحقيقيه اجتماعيه ...خيانه..حب..معاناه ..امراه من جيل أخر بقلمي الكاتبه شهناز الخزعلي..جيمن جلال
