قدري الاسود

الحلقة(14)

الحلقة(14) من الرواية الحقيقيه #قدري_الاسود
بقلمي #الكاتبة_شهناز_الخزعلي #جيمن_جلال
_____________________

غادة/يوم من الايام كعدنا على خبر سقوط بغداد والحرب على العراق خبر بكد افجع كلوبنا واحنا نشوف دمار العراق والطيران الامريكي يجوب سماء العراق الحرب اخذت مجراها لكل محافظات العراق.

ومحافظتنا اخذت حصتها من الشهداء والجرحى وهدم البيت جراء الصورايخ والقاذفات المؤنه قلت والبيت خلص من كلشي نفط غاز طحين وزوجي مخلصها نوم بعني حتى من تجي الدبابه لباب البيت هم مايكوم جنه.

ننجمع بغرفه عمتي نحتمي واحد بالثاني زوجه حماي وجهالها واني وعمتي وحماتي الزغيره جانت بوقتها زعلانه وموجوده عدنا جنه نشعل لاله او فانوس بس الدخان الي يطلع من الاله يدمع عيونه ونام سوه مانطلع للحمام اله سوه واحد مجلب بالثاني اما زوجي ف جليس غرفته مافاركها كانو مو من عدنا
نسوي الاكل بقدر حتى يكفينا باقي الايام لان مانعرف الحرب تستمر لوين ..

مرات حماي الاكبر من زوجي عنده معارف بتجار يسوك البيته والنا يكفينا اسبوع وتالي نبقى مرات نخلصها خبزه وتمره عمتي جانت تجبس التمر للناس وينطوها مجموعه ... مرت علينا ايام بس الله يعرف بيها .

يوم من الايام اجه حماي وكال"

اخو زوجي: الامريكان راح يضربون منطقتكم لان اجتهم معلومه بعثيين خاتلين هنا لازم تطلعون من البيت واحتمال يصير قصف .

عمتي: يمه واعوف بيتي ..

اخو زوجي: يمه هسه عايفه قصر الخديوي باشا هو خرابه .

عمتي: وهذا اخوك

اخو زوجي:كلكم تطلعون يمي بلبيت بيتي جبير وكلنا نلتم ليش يضل بالي يمكم ..

عمتي :يله لمن كم هدمه ومشونا ونسد الباب وناامن البيت عد الزهرة ام الحسن .

رد عليها حماي الازغر: من زوجي والزهرة لاشغل ولاعمل تحرس خرابتج يمه امشي ترا طلعت روحنا هسه يجفتونا الامريكان وانتي متعلكه ابيتج .

عمتي: انته انطم ..

رحت ل يحيى اكعده.......

يحيى: وين شكو؟

غادة: نروح لبيت اخوك يكولون الامريكان راح يقصفون المنطقه لازم نترك البيت ..

يحيى: انا ماروح لمكان هنا ابقى

غادة: صدك تحجي اكولك الامريكان راح يقصفون المنطقه وين تبقى ؟

يحيى: اي ابقى هنا وخلي يقصفونا هيه عيشه عيشتنا .

غادة: ماشي ابقى انا رايحه وي عمتي والبنات ..

يحيى: غير اكسر رجلج اذا طلعتي

غادة: اكولك راح يقصفونا تكولي اكسر رجلج انت شبيك ...

على صياحنا اجه حماي ..