متابعيني الحلقة تبع البارحة اكو بيها نقصان وعذرا
ف عدت تنزيلها حتى مايضيع التسلسل .......
الحلقة(48)تعديل الحلقه ..
اول بدايه حملي تمرضت وجان السيد مموجود مسافر لبغداد
فخابرت امي دزتلي عامر اخذني لا للبيت اول مااجه عامر جانت يمي سجى بنت السيد الي ماتفاركني بيوم السيد ابيت الاء هيه تبات يمي
قوة علاقتي بيها بنيه حبابه وطيوبه حيل
ونادرة وملتزمه
من اجه عامر يعرف بيه بس اني بالبيت دخل للصاله وصاح غادة اني هنا
طلعت لكيته صافن
سلمت عليه كتله "
غادة:شبيك صافن
عامر: اكو بنيه خطفت منا المن بتمن ؟؟
غادة: بنت السيد سجى .
عامر"والله حلوة الله يستر عليها
غادة:خرب بعرضك سوكت كصيت البنيه !!
...ضحك...
عامر: اخوج ترا فقير والله
طلعنا لبيت اهلي بسيارة ابوي ... الطريق كله عامر مابطل اسئله عن سجى ودارسه لو لا وشكد عمرها
اني اضحك عليه واصنف من وصلنا لاهلي اخذتني امي للطبيبه انطتني علاج ورجعت ثاني يوم ورجعني عامر بعد مااصر هو يرجعني
استغربت اصرارة بس عرفت من سال على سجى بنت السيد
اول ماوصلنا تلكتنا الاء بس بترحيب اكثر والحت على عامر يبقى للغدا وتجيب وتخلي كدامه
من طلع عامر اشو هاي هم سالت على عامر وشمخلص وشنو عنده ماعنده
بعدين طكتها طك بطك كالت "
الاء:خيه اتمنى ل سجاوي قسمه زينه ماتاخذينها لعامر
....ضليت فاكه حلكي .. .
غادة:اتمنى وين الكه مثل سجاوي بس غير اهل الولد هم الي يطلبون
الاء:انتي هم اهله وكولي لامج وخليها ابالها
وصارت يوميه تجي تفتح الموضوع
بيني وبين نفسي كلت ابد ماادخل روحي بقسمه احد اخاف يخربون وتالي تطيح براسي
حظي واعرفه
بعد فترة خابرت امي عليه بعد السؤال والطمئنان سالتني على سجى"
أمي: اكو احد حاجي بيها لو مخطوبه
غادة:لا ماما ليش تسالين ؟؟!!
أمي:اخوج بنفسه البنيه شايفها يمج مره ويوكول عاجبتني وخطبوها الي
والسيد خوش رجال وبلكي اذا اخذنا بتهم انتي تغرسين جذورج بطينتهم
مااعرف ليش مامرتاحه رغم البنيه كلش حبابه
بس خوفي من المستقبل يخليني اتردد حتى افاتح السيد ... بس من طلبت امي وطلبت مني اجس نبض السيد واشوف رأيه
بعد مابيها مجال .. كعدت وي السيد وحجيتله الي كالته امي بس ماكتله شايفها ابد
سالني شايفها الولد كتله لا وين بس امي شافتها ونعجبت بيها وحابين يناسبونك
كال الواه وين الكه مثل اهلج ناس طيبه وعلى نياتها واعرف عامر رجال وكد المسؤليه
أنت تقرأ
قدري الاسود
ChickLitحقيقيه اجتماعيه ...خيانه..حب..معاناه ..امراه من جيل أخر بقلمي الكاتبه شهناز الخزعلي..جيمن جلال
