الحلقة(71) من القصة الحقيقية #قدري_الاسود
بقلمي #الكاتبة_شهناز_الخزعلي
مامش خلك بالروح حته النفس ظاك
ماجنت اظنهن هيج ساعات الفراك.
غادة/انطتني المواد وطلعت ...
طلعت بس مثل ممصدك شنو من عالم هذا شنو من بشر الي تتعايش على اذيه غيرها منو سوا بيه هيج ومنو اله مصلحه بطلاقي واسترجع كلماتها وهيه تكولي
( انتي حاليا بقانون الجن والسحره مطلقه يعني طلقوج وباقي التنفيذ ) ...
اني عرفت من اجيت لاهلي متأكده ماارجع لبيتي ويقيني ميه بالميه ماريد فضل بعد لو يصبوه ذهب
رجعنا للسياره ولكينا عامر وابوي منتجين على الكراسي وغافين لان تأخرنا عليهم
صعدنا بالسيارة وبده انفجار الاسئله من عامر وابوي ها ؟؟؟ شسويتو ؟؟ شكلتلكم!!!
وبدت امي تسرد عليهم كل الي شفناه وسمعناه
ابوي مثل الممقتنع او هو ممقتنع بس ساكت وعامر مثل المصدوم وكأنو يعلم بالاء هيه الي ورا اليصيرلي
كالتلهم امي "
امي:نرجعلها بعد كم يوم بعد وفاة الرسول صلى الله عليه وسلم حتى نتأكد من الاسم وتكمل العلاج
ابوي: وعليمن مايحتاج
عرفت بعد وراي هم ...نقنع ابوي نرجع حتى اتأكد وابري ذمتي وي الاء ويكون خصيمها جدي رسول الله
رجعنا للبيت والطريق كله استرجع كلامها والي صار كدامي من قصص حمدت الله وشكرته ودعيت الله يخرجني من الانا بي قادر ياكريم يالله
اتصلت على سارة وحجيتلها الي شفناه وسمعناه
وحسيتها حييل فرحانه وعندها امل كبير ....
مرن اليومين طبيعيات من عدا كلام ابوي الي يسم بس استغربت امي مااعرف شبيها ضايجه ومن احاجيها جنها ماطايقتني
مااعرف ليش حسيت كارهتني يمكن اني صايره حساسه
خلصت اخر ليله بالموعد الي انطتنياه العلويه
بعد ماطبقت كل الكالته صليت ركعتين بطلعان الرووح وهديتهم لام البنين ع
وسبحت بالمي وشمرت الباقي بالحديقه البرانيه
واجه اليل الي هو ليله وفاة الرسول صلى الله عليه واله وسلم روحي له الفداء ...
كعدت وحدي افتر بالبيت وطاير النوم من عيني
ساعه اتخيل شغلات سيئه وساعات اتأمل وابني سعادة مااعرف مكتوبتلي او لا ؟!!!
صارت الساعه بل ٢ باليل واني دموعي مابطلت بجي فرشت سجادتي المفاركتها صار اشهر
كعدت كعده وخليت التربه الحسينيه كدامي
وبديت اناجي ربي الواحد الاحد
كتله ".... يارب مالي غيرك انت خالقي وانت بارئي ومصوري يارب انت تعلم مافي صدري وممااشكو يارب انت الحنان المنان الرحمن يارب اتيتك هاربا منك لاجئا اليك خائفا منك الوذ بك ياربي اقسم عليك بأحب الخلق اليك حبيبك محمد المصطفى ...
ياجدي اروحلك فدوة خلصني تعبت وتعبت قواي ومابيه حيل شماتي هواي ومحد راح يرحمني اذا تطلكت للمره الرابعه ياجد
انا مو منك انا مو الك انت مو جدي انت حبيب الله وجاي اشكولك هضم حالي وسقم جسدي والي اعانيه
ياجدي اقسمت عليك بحبيب قلبك الحسين العطشان بحبيب قلبك المظلوم تساعدني يامحمد المصطفى يارسول الله الى من اشكو وانا جدي سيد الخلائق الى من اشكو وانا جدي ساقي الحوض بيوم العطش الاكبر
يارسول الله بحبيبتك الزهراء انقذوني من الي انا بي نزلت سجدت على التربه بعد ماتعبت عيوني غفيت وانا على السجاده
وكأن بعالم الرؤيا امشي بطريق اظلم واشوف مريه شاعله شمعه وتأشر الي تعالي
اجيت يمها واشوفها العلويه نفسها .. كتلها"
أنت تقرأ
قدري الاسود
ChickLitحقيقيه اجتماعيه ...خيانه..حب..معاناه ..امراه من جيل أخر بقلمي الكاتبه شهناز الخزعلي..جيمن جلال
