قدري الاسود

الحلقة(60)

الحلقة (60)... من قصة الحقيقية #قدري_الاسود بقلمي #الكاتبة_شهناز_الخزعلي  #جيمن_جلال...

برغم بعدك عني الا انني اشعر انك معي
اسمع هدوء صوتك
اشعر بنبض قلبك
انعم بدفء حنانك
اشعر كانني في عالم حبك
فوجودك في حياتي حياااة

غادة/واكفه بالشباك مالت الردهه بالطابق الثالث الي يطل على سااحه كبيره وبيها زرع اباوع للناس الماره
اتاامل اشكالهم واسال نفسي ...

ياترا شنو من عيشه عايشينها شنو من هم شايلينه مرتاحين لو كل شخص حياته بيها اشكال القصص
هم تتالم هاي البشر مثلي لو بس انا مكتوب عليه الالم والقهر معقوله حياتي مابيها نهايه يعني ابقى طول عمري على هذا العذاب
يارب تعبت وطاقتي نفذت وصبري خلص
يارب اذا كل هذا امتحان حتى تخفف عليه اخرتي
يارب لك الحمد والشكر بس ياربي ارحم بحالي يامن اقرب لي من حبل الوريد ........

بعد ماجه الدكتور الاخصائي وشافه سجله بلازمه مالت دم جيبها من المصرف الجوه
كتله"

غادة: دكتور مااندل واني وحدي

الدكتور: جوه بس اسالي وهم يدلوج ابنج هنا بالحاضنه معليه يله حتى يشكلوله . 

نزلت اركض منا عمليتي الي مأذيتني ومنا الخوف والتوتر اركض وادعي نزلت اسال دلوني على المصرف رحت انطيتهم الورقه سلموني البلازمه
اخذتها وصعدت للدكتور
شكلوها اله وخلوله علاج

الدكتور :هسه ارتاحي معليه شي ان شاء الله 

حمدت الله وشكرته صوفي كدامي بالحاظنه واني يمه على السرير من التعب ولان منايمه مادري بروحي غفيت ثانيه  ...
بهاي الثانيه شفت مريه بشكل بشع وعيون جاحظه وكلها غضب لزمت ابني وخنكته
باوعتلها صرخت كتلها "

غادة:لافدوة عوفي

_لا مااخليج تتهنين بيهم

كمت اصرخ وادك اريد صوتي يطلع ماكو
فزيت على ايد مريه وياي بالردهه وهيه تسمي عليه اسم الله عليج يمه شبيج
رحت ركض لابني اشوفه
شفت وجهه جنه طفل طبيعي ومابي شي حمدت الله وشكرته لان حلم ... بس شكله كلش حلو وجهه مورد مو مريض جنه
كالت المريه "

_شجاج يمه تصيحين جنتي تحملين

غادة:اي خاله حلمت حلم دخيلك ربي رجف عضاي كابوس مو حلم

_ شنو هو حجيتلها الحلم الي شفته

رجعت لورا المره وكالت"

_ اسم الله  يمه لاتخافين والي كاتبه ربج  ارضي بي
بس يمه انتي عندج ضيجه ..

غادة:شنو يعني !!!

_ يعني عندج احد يكرهج لو عدو لاسامح الله

غادة:خاله مااعرف والله بس عندي شريجه

_ هاا ليش يمه شو بعدج زغيره ليش ماخذه على شرج هو الشرج ينراد