الحلقة(35) من القصة الحقيقية #قدري_الاسود
بقلمي #الكاتبة_شهناز_الخزعلي #جيمن_جلال
لم أفتح ابدا باباً للحب ...
لكنه أتى من نافذتي التي
افتحها لاتنفس فاستنشقت عبيره
فــأأختنقت......
غادة/اخذتني امي للمستشفى واول مادخلوني فحصتني الطبيبه الاختصاص سوت سونار وتحاليل كالت"
الدكتورة: طفلج مهدد بالاسقاط لازم تبقين تحت المراقبه هنا يمنا اقل شي خمس ايام
ودخلت وياي لينا وامي ترجع بالنهار وتبات وياي باليل افترن السستراات حتى يقيسون الضغط ويجيكون وضع المريضات كملن وطلعن طفن ضوى الغرفه ومابقى الى ضوة يطل من بردات الباب الي تلعب بيها المروحه بكل غرفه مروحتين غرفه الي متكونه من ٦ اسره ثلاثه مقابيل ثلاثه وبين كل سرير وسرير مسافه ربع متر.. جنت اني وياي مريضات اثنين داخلات ونص الاسره فارغه ....
ثالث ليله امي تعبت
كتلها لاتجين تبقى لينا وياي راحت وباتت وياي لينا الي فرحانه انها طلعت من البيت حتى لو المكان الطالعتله هو المستشفى .
بقت تسولف وي المرافقات المريضات الوياي وانا احاول انام بس الالم البيه ميخليني
الم كلبي والي صار كل لحظه تمر عليه اتذكر سامي كلامه ووعوده الي وشلون غدرني ساعه الوم بروحي شلون امنت بي وصدكته وساعه اكول لا هسه يجيني مينطي كلبه هو مينام اذا مو انا يمه بس اتذكر شلون فز من طخ جسمي بي شلون كمز وتجريحه وجره الي بطريقه مهينه ...
دموعي تصب وانا اندب حظي واندب الساعه الولدتني بيها امي اتكلب اليل كله تجيني لحظات احن اله واكول اخابره واشوف ليش ماتصل هو موكال بس اوصل البيت ادزلج ملابس اي هاي احسن حجه اخابره بيها
وارجع اكول لا كافي تذلين نفسج لو يحبج صدك ماشمرج هاي الشمره ويعرف بيه حامل وحملي مهدد بالاسقاط
احاول ابررله واكول هم حقه اخته وهيه زعلانه وين تروح لازم يتحملها بس ليش بهاي الطريقه ومتأكده سمع كلام زوجته من كالت روحه بلارجعه وماحجه معقوله مايرجعني معقوله هيج بهالسهوله ......؟
مرت الخمس ايام بالمستشفى وحالتي استقرت بعد توصيات الطبيبه بأن انتبه على نفسي وماكو توتر ولاقلق ولاشغل طمنتها امي وطلعنا اخذنا بسام الي بس كال الحمدلله على السلامه وخلص
وصلنا البيت تلكتني سارة وهيه الدموع تكت ....
غادة:شبيج ولج ترا بعدني عدله ماتت
سارة: اسم الله عليج حبيبتي .
وجنت متقصده احجي هيج حتى يسمعني ابوي الي ودعني بدعوة موت ...
فرشلي فراش وبقيت اسبوع لااتحرك بس حدي حمام وارجع وهذا الاسبوع كله سامي لااتصل ولااجه وانا هم كلت لااتصل ولااسال خليلي كرامه مع العلم الكلام الاسمعه من ابوي يسمم البدن والروح
كمت اكل وحدي بالغرفه.
أنت تقرأ
قدري الاسود
ChickLitحقيقيه اجتماعيه ...خيانه..حب..معاناه ..امراه من جيل أخر بقلمي الكاتبه شهناز الخزعلي..جيمن جلال
