الحلقة(24) من القصه الحقيقيه #قدري_الاسود
بقلمي #الكاتبة_شهناز_الخزعلي #جيمن_جلال
غادة/دمعت عيوني من حظي الاغبر المدري وين طامس
من شافني ابوي الكئابه فول عندي خله ايده ورا ضهري وكال "
بابا:لاتضوجين نروح لمجلس المحافظه ونشوف الغلط وين ونصححه واكملج معامله ابنج هم.....
مسحت دموعي ورجعنا للبيت وانا كلي خيبه لاجوازي ولاجواز حمزه صارن يمكن مامقسوملي ازور الرضا
او يمكن انا وجه شؤم هيج جنت افكر ..
من رجعنا سالتنا امي سولفنا الها الصار ...
أمي: سبحان الله هالبنيه ليش هيج حظها ؟
سارة:الحمدلله بلكي تأخيرها بيها صالح لاتضوجين غادة فدوة
غادة:لا عليمن بالعكس تعودت ..
ورا يومين تقريبا صادف الاحد رحنا لمجلس المحافظه نزلنا بلباب وسالنا الشرطي الي بالباب كلناله على معاملتنا دخلنا
بقيت كاعده على الكراسي مالت الانتظار وراح ابوي يسال شويه ورجع كال تعاي وياي الموضف يكول فوك يم استاذ سامي عضو مجلس المحافظه شغلتكم
استغربت شهالشغله الي يم عضو مجلس المحافظه....
صعدنا فوك وكف ابوي ودخل الشرطي للغرفه دقيقه ودخلنا ......
الغرفه بااارده من المكيف المشغلها اول مادخلت جان اكو شباب واكفين يم الميز الي بي الشخص الطالبنا ماشفت ملامحه زين جنت مدنكه وهو يحجي وياهم بس ااشرلنا نكعد ......
كعدنا على قنفه قريبه على الميز
طلعو الولد واندار علينا سلم بالسلام عليكم
ردينا السلام وجه كلامه ابوي اله وشرحله المعامله وليش مرجعينها جاوبه هذا الشخص الي اسمه سامي
سامي:الغلط ممسويه بطاقه سكن منفصله ورافقتها بلمعامله بااعتباري مطلقه...
يحجي وي ابوي وانا مدنكه ابد مارفعت راسي بس استمع للحديث
ابوي :سهله اذا بس على بطاقه السكن نسويها بس ليش دزونا عليك لهنا جان كالولنا بمديريه الجوازات واحنا نسويها ...
سامي:شسالفه حجي خلينا تشرفنا هنا ونتعرف عليك
زاد استغراب ابوي اكثر
استغل الفرصه ابوي من شاف اسلوبه واحترامه وكاله على معامله حمزه
سامي:لاتهتم حجي انا اكملها واخابرك ماشي بس ليش الجواز اله يعني تردون تسافرون ؟
ابوي: لا بس بنتي تريد تسافر لايران تزور الرضا ع وحابه تاخذ ابنها وياها بس انرفضت المعامله
وجه السؤال سامي الي متقصد حتى ارفع راسي
سامي.. غادة حابه تزورين وابنج وياج ؟
رفعت راسي وصارت عيني بعيني كتله "
غادة:اي والله استاذ ياريت
أنت تقرأ
قدري الاسود
ChickLitحقيقيه اجتماعيه ...خيانه..حب..معاناه ..امراه من جيل أخر بقلمي الكاتبه شهناز الخزعلي..جيمن جلال
