الحلقة(47)من قصة الحقيقيه #قدري_الاسود بقلمي #الكاتبة_شهناز_الخزعلي #جيمن_جلال
صعب دونك اعيش وغيرك اختار
لان بس انت وحدك تفهم الروح
وصعب انساك وانسة سنيني وياك
من بعدك اعيش العمر مجروح
وصعب تصبح محبتك بس بالعيون
لان كلش احبك حبي مفـضوح
يااجمل نغم غنيتة بالكون
ويااعذب لحن وتعزفلك الروح
ويااجمل قصيدة واحلى كلمات
يالوجهك كمر وعيونك نجوم
يانور الشمس الما غابت بيوم
ويظل وجهك ينور رغم الغيـوم
غادة/خلصنا عشى طلع سيد فضل لاخوته الي برا واجت الاء تسولف عن حياتها وشكد عانت من عيالها وحذرتني الاختلاط بيهم ...
بس كان التحذير ممزوج بشويه أامر
كالت"
الاء: شوفي غادة انا شبعت ضيم وي اعيالي وخاصه عمتي والبنات سيد فضل عنده اخوات ٣ الكبيره ايه والوسط وأميرة والزغيره الي عبارة عن حيه مسممومه هيه طيف
ذني يحركن عمتي بالزغيره والجبيره
صح هن بنات عمي بس اموت منهن ووهن هم يكرهني كره العمى
وعنده اخوة ٥ ثلاثه منهم مزوجين واثنين بعدهم حماي ماتحاجينه زوجته لان تعاركت انا وياها هم لاتحاجينها
لمصلحتج خيه احجي خوش
هزيت راسي بخوش ....
رجع السيد وانسد علينا بابنا اخذني من ايدي كال"
السيد: خليني اشوفج البيت غرفه غرفه
مشيت وياه وهو مخلي ايده على جتفي
دخلنا صاله جبيرة حوالي ٧ امتار كال"
فضل: هاي الهول وهنا ماعدنا استقبال لكل بيت استقبال واحد لكل العوائل لان بستانا بي كل اخوتي ماعدا اخوي بالولايه
بعدها غرفتنا حلوة ومرتبه بس الاثاث بسيط ومبين ترتيب رجال مابي لمسات انوثه
مطبخ زغير بي طباخ ومغسله وكاونتر زغير يادوب يشيل الغراض
بعدها اخذني لغرفه زغيره مفتوحه على الهول
كال "
فضل:هاي غرفه بنيتها مخصوص للخياطه حتى تاخذين راحتج وماتصير هوسه
حيل فرحت من شفته يفكر براحتي
بس اكو هواي اسئله بداخلي عن زوجته وشلون اجت تخطب شلون قنعها اصلا
وليش وهم عدهم جهال ومكبيره بالعمر ؟؟؟!!!
كتله"
غادة: سيد من رخصتك عندي اسئله تدور ابالي عادي اسئلها ....
ضحك وباوعلي بتك عين كال"
فضل: يعني لازم اليله
غادة:ذا ماتحب عادي شنو منعس انت !!
فضل:لايبوي شاانعس مصحصح اسئلي
غادة: الاء ؟
فضل: شبيها ؟
غادة: شعجب اجت تخطب وتركص بعرسك ترا محد مسويتها قبل شنو اليخليها تسوي هيج
فضل:الاء بنت عمي بس مو لح يعني ابوي وابوها ولد عم
جانت مزوجه ابن عمتها ضلمها وطلكها صارت شغلات بعدين تعرفيها خلتني اتقدملها بس شرطت عليها انو اتزوج لو يبقى يوم واحد بعمري
وقبلت بشرطي وتزوجنا الحمدلله صار ١٥ سنه مزوجين مايوم غثيتها بالعكس اكطع اللكمه من بلعومي حتى اجيلها الهم
صارو عندي اطفال منها شفتيهم الحمدلله ٦ خير وبركه
ماخليت شغله مااشتغلتها ابيع ايس كريم
سايق تريله عامل بناء كلهم تعبت وحيلي انهد
بس مامرت لحظه ماتمنيت زوجه تكون بنفس الوقت حبيبه
يعني ارجع الكه لبس مرتب او اسلوب اهتمام او كلمه حلوة
هذا طبعها مو بيدها شكد حاولت وياها ماتعرف وماتغيرت
أني رجال وبنفسي هواي شغلات ماجاي الكاها
أنت تقرأ
قدري الاسود
ChickLitحقيقيه اجتماعيه ...خيانه..حب..معاناه ..امراه من جيل أخر بقلمي الكاتبه شهناز الخزعلي..جيمن جلال
