مرحبا .....وياكم (الجزء الثاني)
الحلقة (22) من #قدري_الاسود
بقلمي #الكاتبة_شهناز_الخزعلي .....
__________________________
مثل غيمة محمله مطر .....عيوني هيج صفت ...يوم يحمل يوم كووووم حجار ...ويرميها على ظهري....كل يوم هم شكل....اهلنا يكولون :
_كل واحد همه لون ..... اليقهرني معقوله ....حياتي بلا لون.....
ماصفت...سماي بيوم
دنياي دوم مغيمة
____________________
غادة/بعد الترحيب بااهلي والمفاجأة وفرحتي بشوفه حمزة نستني همي كملت العشا وفرشت لاهلي بالاستقبال وحمزه يمي .
دخل حسن للغرفه وصاحني ...
كالي"
حسن: غادة اذا حابه تروحين وي اهلج ترتاحين عادي ماعندي مانع .
دكيت على صدري...
غادة: ارتاح من شنو لو شنو وشكول لاهلي اخذوني وياكم بعد خمس ايام زواج غير يذبحوني لان اريد ارتاح ...حسن صفي رايك واتخذ قرارك وانا باقيه هنا ..
عافني وترخص من اهلي كال اخذو راحتكم البيت بيتكم انا اروح لبيتي هناك ... طلع
.... . بدون ميتفاجأ ابوي كال"
بابا: هذا رجلج من شوكت يعوفج وحدج ؟
غادة: بس اليله...
وهو فعلا اول ليله يعوفني لان رجعت زوجته من اهلها الي ساكنين كركوك ....
رحت يم اهلي واخذتلهم فاكهه ومي وطلعت . دقايق ولحكتني امي للغرفه بقت كاعده يمي وتحجيلي عن البنات وشكد محملاتها سلام وعن سارة ودراستها وحمل سحر الثالث بولد ..
انا ساعه اركز وياها واجاوب وساعه فكري يشرد عني حست بيه كالت"
أمي: ماما شبيج وضعج معاجبني مااحسج عروس وفرحانه احجيلي
غادة: ماما شعجب ابوي اجه انا كلت بعد مايباوع بوجهي ؟
أمي: حمزة جابه كاله بابا نروح لامي وانت تروح وياي مانطاه كلبه يبقى زعلان عليج وهاي اجه بنفسه يباركلج .
دنكت راسي وغصب عني طاحت دموعي....
فزت .....
امي: احجي ماما شبيج لازم تحجيلي ؟
غادة:ماما حسن يريد يطلكني .
لطمت على صدرها بقوة كالت "
امي:صخام صخمني ليش يمه ماصارلكم اسبوع ؟
غادة:حسن بعد خمس ايام اكتشف مايكدر يكمل يعني نزوة ورغبه ونتهت ويخاف على مشاعر زوجته لاتموت اختار ينهيني انا ..
امي: وزجته مو كال تعرف؟
غادة: لا ماتعرف جانت عند اهلها وستوها رجعت .
احجي وابجي
أمي: لازم ابوج يعرف .
لزمت ايدها وكلت :
أنت تقرأ
قدري الاسود
ChickLitحقيقيه اجتماعيه ...خيانه..حب..معاناه ..امراه من جيل أخر بقلمي الكاتبه شهناز الخزعلي..جيمن جلال
