قدري الاسود

الحلقة(76)

الحلقة(76) من القصة الحقيقية #قدري_الاسود  بقلمي #الكاتبة_شهناز_الخزعلي  #جيمن_جلال

نرجع لتكملة المكالمه بين غادة ولينا بالحلقات السابقة من لينا سولفت ل غادة وضعها
.....
لينا/هذا وضعي ياغادة كوليلي شااسوي ...

غادة: ولج يعينج الله كل هذا مريتي بي وماتحجين شلون صبرتي كلشي ولا الرجال خاين شلون قهر يربي ولج انتي هسه بيا شهر جماله حامل ؟

لينا: ستوني صار اسبوع من حللت
وانتي ؟

غادة: الحمد احسن الاء لااشوف جهرتها وفضل يحاول يرضيني بااي طريقه واختج مشتغلته حقاره هههه

لينا: معقوله غادة تتعامل بحقاره شنو تريد تنكلب الدنيا !!!

غادة: لا والله بس صارلي درس مرات اقسي عليه يمشي عدل ماكو بس يشوفني حبابه وخوش بنيه يجيب طاري الاء واولاده عساهم بالساحق والاحق

.....ضحكت من كلبها لينا . كالت "

لينا:وتدعيين يمه صايره تخوفين

غادة:غير عاشرت الشياطيين طبعا ادعي
لينا احجي لابوي كل العشتي ترا اذا ضميتي خايفه وربج انتي التخسرين ويذبله عليج تهمه

لينا:هو انا باجر اكعد وي ابوي وعامر وبلكي بسام هم يجي خابرني البارحه يسال عليه ..

غادة:بسام خابر عليج يسال معقوله ..

لينا: اي والله ويكولي محتاجه شي سبحان الله

غادة: الله يهدي

... ختمت المكالمه وي لينا باان تصبر وماعدنا غير الصبر عسى رب العالمين  يفرجها عليها وعليه
من خلصت المكالمه مااعرف ليش فكرت بحمل لينا انتبهت على نفسي صار ثلاث ايام مااجتني العاده
لطمت صدري خووف يمه دخيلك ربي بس لاحامل يمه لا لا الله لايكولها غير اموت بعد بيه انطي للمكبره والله مابيه كلبي خلصان
بس شلون ليش متأخره !! احجي وي نفسي
يا شبيج غاده هسه يجوز تأخير طبيعي شبيج مخلوسه لا لا ان شاء الله  ماكو حمل
بس اخر مره اجتني من رجعت لبيتي وماماخذه حذري .. معقوله لا لا مستحيل اذا حامل انزله اي انزله
احس كلبي وكف خوف .. شكد جنت افرح بس تتاخر عليه اكول اي حمل الحمدلله اخ لايلاف
بس بعد خلص ماريد مالي قسمه بالاطفال حتى وان خلصت من التابعه بس الخوف بكلبي من الفقدان
مانمت ليلي من التفكير فكره تجيبني وفكره تاخذني واتصور نفسي اولد وهم يموت باايدي الفكره وحدها تفقدني عقلي كمت صليت وهديت ركعتين لام البنين سلام الله عليها  بس كون مو حامل ... سبحان الله  جنت ادعي يكون حمل هسه ادعي مو حامل ....

الصبح اجه فضل لكاني كاعده على الكرسي وعيوني مورمه وجهي اصفر .. خاف خطيه واشوفه ارتبك .. اجاني يركض

فضل: حبيبتي غاده شبيج؟ شنو مريضه!! ليش كاعده هنا اكو شي سمعتي شي

.....ضحكت كتله"