الحلقة(46) من القصة الحقيقية #قدري_الاسود
بقلمي
العمر خلصان اكيد وماشي فاني
وما شفت العزيز وما شفاني
تعب بيه طبيبي وما شفاني
تعالو خل تعود الروح بيه
غادة/بعد شهرين تحددت موعد خطبتي من السيد بعد ماطلب يشوفني النضرة الشرعيه المعروفه
وافق ابوي
واجه وحده بدون زوجته ماقبلت ادخل بس اجاني عامر يتوسل لاتفشلينا الرجال صارله ساعه كاعد وكتله الانتظار والاحراج ....
طلعت بس بشرط امي وياي ومااكعد اسلم واطلع ...جنت حيل ممتعضه من الزواجه هاي ومجبورة
دخلت للاستقبال امشي ورا امي .سلمت امي ب السلام عليكم سيد شخبارك ومن هذا الترحيب
كلت اني السلام عليكم ورد بالسلام
عيني بالكاع مارفعتها مو خجل بس مالي نفس ولاواهس
اصلا متوقعه زواج ميدوم عليش هاي الاجرائات وهاي الشكليات
ثواني وكمت عفتهم وطلعت تلكتني سارة تطك اصبع كالت"
سارة: هلا هلا الوجهه مورد يعني السيد دخيل بخته عجبج .....؟
هزيت ايدي على عقلها ودخلت نزعت عباتي
سارة: ها موحلو !
غادة:ليش اني شفته
سارة:جا ياهو شافه جدي !وين جنتي
غادة: مارفعت راسي ولاشفته بس مبين اسمر
سارة:هاااااا ماشفتي بس مبين اسمر امم كلتيلي
غادة:وسم ماشفته بس مبين من عكوس رجليه سمر
سارة:الرجال ماتعيبه بس اخلاقه
دخل عامر والضاهر سامع كلامنا نط كال "
عامر:وتالي اليل ششبك بالاخلاق
..ضحكت.. عليه كتله"
غادة: انت اخونا لو اختنا
عامر:انا من المغسلات ههههه
واجه يوم الخطبه....................
وتجي سيارات مليانه ساده معممه وشيوخ معممه وشباب لابسه قوط
هذا المنظر ابد ماغرني بالعكس خفت اكثر
لان ماتهمني المظاهر بكد الجوهر الحقيقي
بسامي وخطوبتي ماخله احد ماجابه
وتالي يريد بس يخلص مني ...؟
اني بالمطبخ ودخلو بسام وزوجته وجان المفروض يجي وي ابوي من وقت
تحجج بالعمل والشغل
اول مدخل باركلي وطعمها بكلمه مسمومه
كال ..
بسام:يوميه محتفلين وعدنا عرس هاي عاشر مره يمكن مو غادة ويضحك ...
سحر :يمعود خلينا نشبع جكليت شخسرانين كمت احرك بروحي
لينا: اي والله اشبعو جكليت يوم لحنونه
بس ادعو الله مايطلع حظها على حظ عماتها
سحر :يمه اسم الله بيش طالبه بنيتي
ان شاء الله تتزوج وماترجع
أنت تقرأ
قدري الاسود
ChickLitحقيقيه اجتماعيه ...خيانه..حب..معاناه ..امراه من جيل أخر بقلمي الكاتبه شهناز الخزعلي..جيمن جلال
