الحلقة (29) من القصه الحقيقيه #قدري_الاسود
بقلمي #الكاتبة_شهناز_الخزعلي #جيمن_جلال
مااكلك أحبك خاف مني تروح ....
ولا اكلك نسيتك خااااف تنسااني ....
تيهت بمحبتك واني اااعمى العين ....
بس كلبي على بابك زحف خلاني ....
دلاني واجيتك واااني كلي جرروح ....
ومن كتلك تعااال تكلي مو ااني ....
اااااااااني اااااااااااعمى صدددددك ....
بس كلبي عنده عيووووون ....
مو إني الاجيتك هو ودااااني ....
كلشي توقعت وبااالي الف حساب ....
بس ماااااحسبت تلبس وجه ثااااني
_____///قدري الاسود///____
غادة/نزلت جوة واسمع ضحكهم ولعبهم وي عمتهم ليلى الظاهر اكو علاقه بينهم قويه...
دخلت للهول شفتها منزله كومه العاب ومخليتها يمهم وتلعب وياهم اباوعلها شلون طفل ومحروم من طفولته بس الحب الشايلته لذول الاطفال خلاني افهم علاقتها بأمهم ...
شافتني واكفه بالباب اباوعلهم اجت يمي كالت"
ليلى: غادة تشوفين ذول الاطفال شلون فرحانين تعرفين شلون فرحتهم لو هم بنص امهم وابوهم....
غادة: ليش انا فرقت امهم وابوهم !!!
ليلى: لا بس بأيدج ترجعينهم ..
ضليت فاتحه عيوني كتلها "
غادة:شلون بله ..
ليلى: اي بأيدج سامي يموت عليج ومايرفضلج طلب اطلبي يرجعها وانتي وحدج وهيه وحدها معليج بيها
غادة: ليلى تحجين صدك وين اكو هيج حجي يعني ارجعها بأيدي ....
....تعصبت ... كالت"
ليلى: لعد عاجبج حال الاطفال ؟
......ماتحملت رديت عليها بقسوة متناسيه وجود الاطفال وسماعهم كلامي او هيه كانت متقصده تطلع تستفزني كدامهم ...
غادة:شوفي ليلى ترا انا تزوجت سامي مطلق وصار ٣ سنوات يعني مو علمودي طلكها وخربت حياتهم وهيه لو صدك تحبه وتحب جهالها جان حافظت على بيتها وزوجها قبل لاينهدم بعدين سامي مو زغير واملي عليه تصرفات واوامر وكوله سوي هيج وانت تعرفينه كلش زين ،ليلى طلعيني من دماغج وخلي الجهال بعيد عن حقدج عليه
ليلى: ياحقد ياام حقد ليش انا شعندي وياج حتى احقد عليج والله يالله ...
هزت ايدها وراحت تكمل لعب وي الجهال ،
الي انتبهت مركزين ويانا بالكلام وبالهم يمي وبكل كلمه اكولها ....
اجت فرح كالت "
فرح:حاله حاله (خاله) اريد تيته (كيكه ) .
شلتها وبستها شحلاتها مدبدبه وبيضه تنكرط كرط
غادة:صار بس بشرط ؟
فرح: شنو؟
غادة:تجين تنامين يمي اليوم
أنت تقرأ
قدري الاسود
ChickLitحقيقيه اجتماعيه ...خيانه..حب..معاناه ..امراه من جيل أخر بقلمي الكاتبه شهناز الخزعلي..جيمن جلال
