قدري الاسود

الحلقة(37)

من قصه الحقيقية #قدري_الاسود
بقلمي #الكاتبة_شهناز_الخزعلي 

مـادام نيـتك سومـرت
عـن كلـشي الك متنـازل

آنـه اعلمـودك منجـرح
وانـته اعلـه جرحـي اتجامـل

تنطيـني لفراگـك عـذر

هـوّه اليحـصدك مـن وكـت
( معناهـا ) غيـرك شـاتل

غادة/جهزت حاجيات الطفل من كل صغيره وكبيره رجعت عافيتي بااسبوعين اخيط وكلي واهس واني انتظر قدوم طفلي واحمله باايدي واشوف ثمرة تعبي .

اخواتي ابد متركني وياي بكل حركه وكل شغله.

وبيوم كعدت الصبح عندي اوجاع بس خفيفه كالت امي"

أمي: لازم تراجعين طبيبتج حتى نشوف موعد الولاده وكلشي تمام ....

اخذتني لطبيبه بمجمع طبي قريب علينا بعد الفحص والسونار كالت"

الدكتورة: ولادتج صعبه اذا طبيعي لازم تمشين هوايه واقل شي اسبوع يله تولدين.

رجعنا اني وامي مشي وصار يويمه تاخذني امي مشي لنهايه المنطقه وبعض اقاويل كبار النساء من المنطقه لازم اعبر جسر المغرب حتى تسهل ولادتي
المهم بعد اسبوع من المشي المستمر ساعه ١ باليل صارت عندي اوجاع موتتني امي من خوفها عليه جانت جامعه مبلغ حتى اولد عن دايه مو بالمستشفى من باب العنايه والراحه وجانت عدنا دايه مولده معروفه خبرتها تفوق خبرة الطبيبات بس غاليه بالاسعار والي مااعرف بي امي مجمعه مبلغ حتى تاخذني الها حتى تهتم بيه ومااتذه .

اخذنا عامر وعمتي وامي بعد مااجمعت كل شغلات الولاده وطلعنا للمولده استقبلتنا بصاله ولاالمستشفيات نضافه وترتيب بعد الفحص كالت"

الداية: هاي البنيه ولادتها متعبه وتخوف مااستقبلها

امي :انطيج شكد متردين بس ماريد بنتي تتاذه

الداية:عيني قابل الفلوس تشتريها وانا خو اكيف بس مااكدرلها

ايست امي وطلعنا للمستشفى بعد الام المخاض الي الله شهده للمراة بعظمته
وبعد ساعات من الوجع والصراخ الي رج المستشفى ولدت امير اميري وجابته السستر وخلته بحظني اول ماوكع نظري عليه دمعت عيوني فرحتي نستني كل الم عشته وخلص بدت حياتي بولادة هذا الطفل
مثل القمر الوجه دائري ابيض بعيون مدوره وخشم مكور تكور خليته على صدري احساس رجعني طفله وماعندي لاهم ولاغم واني الي حتى طفولتي هم وغم

.....رجعنا للبيت واستقبلنا ابوي مو عادته كبر بأذنه ونطاني عشر الالف كال هاي لامير دلاعه جده
الفرحه فرحتين طايره رغم الم بطني والولاده بس ناسيه كلشي
ولدت امير سنه ٢٤/١/٢٠١٢.. المصادف ٥ صفر يوم وفاة السيده رقيه سلام الله عليها ......
جانت الناس تستعد لزياره اباعبدالله الحسين للاربعينيه ومن ضمنهم اخوي بسام ..