الحلقة(43)من قصة الحقيقيه #قدري_الاسود
بقلمي #الكاتبة
قــد نرحــــل كالـــغروب
وقــد يلهيـــنا الزمـــن عـن كل من حولــنا
ولكـــن♥️
يبـــقى نــبض القــلب♥️ .. لا يُنســي الأحبّــــة .
يخفـــق لــهم كلـــما عــــبر بالخاطـــر خيالــــهم♥️
ويـــحنّ إليـــهم كلما بعدت المســـــافات ♥️.. وعزّ اللــــقاء.
يبــــقى القـــلب يـــنبض بحبـــهم مهمــا غابــــوا♥️
سارة/طلعت من العميد واني كلي فخر وما بدل رايي ومبادئي من اجل ارضاء الناس....
بعد اسبوع دزت عليه استاذة رحت عليها لغرفه الاساتذه كالت"
_ سارة تعالي اريدج بموضوع بعد الدوام وحدنا ماشي
سارة:كلتلها ان شاء الله استاذه ...
طلعت واستغربت ياترا شرايده مني
رجعت للبيت من التعب ماشوف بعيوني واملي قليل تلكتني لينا وهيه تبجي متعاركين ابوي وغادة وكل تلجأ غادة للهروب وتقفل عليها غرفتها وتكطع الاكل
رحت الها الغرفه دكيت الباب ماكو مااسمع صوتها خفت عليها عادة اذا ادك الباب اذا تسمع صوتي تفتحلي الباب وتشكيلي همومها
بس هالمرة ماكو دكيت الباب مرة ومرتين وماكو صحت عامر
عامر عامر اجاني يركض كال"
عامر: شكو؟
سارة: غادة قافله الباب وماترد ....؟
حاول يكسر الباب على صياحنا اجت امي كالت"
أمي: شبيكم تكسرون بالباب؟
سارة: شبيكم ياماما هسه البنيه مو تشوفون وضعها وكسرتها ادري متعوفوها بحالها
أمي: هو اني لو هذا الغضب ابوج مادري شسويت بعمري وقبلت بهيج قسمه سودة
البنيه على ساعه تضيع من ايدي.
سارة:كافي ماما خلينا نطمئن عليها ...
كسر الباب عامر وشفنا غادة امدده بنص الغرفه وفاقدة
ركضنا عليها لينا تدك على وجهها واني شايله راسها مخليته بحظني وعامر يحاول يشيلها وامي تلطم
وعت على صوتنا وصياحنا حتى نفيقها
بس فتحت عيونها وتأشر بحواجبها مافهمنا شي
شلناها خليناها على السرير وراحت لينا تجيبلها مي وامي كعدت تلوم بيها .
أمي:يا بنتي والله مابيه طاقه بعد حبيبتي انسي وتناسي ابوج مايقبل تذكرينهم حتى ابنج انسي والله جاي اضوك الامرين منا انتي وقهرج على ابنج ومنا ابوج وظلمه ومابيه اوكف بوجهه.
سارة:يوم شكو شصاير ؟
أمي:غادة طلبت من عمج يحاجي ابوج يروح يرجع ابنها
ومن سمع ابوج كلب الدنيا وكام يصيح ويسب ويغلط
غاده كالتله كافي ظلم كافي حرمتوني من ابني وتردون حتى مااذكره
من سمع ابوج هيج ضربها راشدي وكعت بالكاع وكامت تلطم .. من شافها هيج زاد بضربها حاولت اخلصها منه ماكو دفعني وطلع كامت لغرفتها . مايصورلي هيج واكعه ...
أنت تقرأ
قدري الاسود
ChickLitحقيقيه اجتماعيه ...خيانه..حب..معاناه ..امراه من جيل أخر بقلمي الكاتبه شهناز الخزعلي..جيمن جلال
