الحلقة (73) من القصة الحقيقية #قدري_الاسود بقلمي #الكاتبة_شهناز_الخزعلي #جيمن_جلال
تـعــلـمـت
مــن هــذا الـزمـان ان لا شـخـص يـسـتـحـق الأمـان, فـمـن أعـطـيـتـه
ثـقـتـي خـدعـنـي ومـن أعـطـيـتـه حـيـاتـي قـتـلـنـي, ومـن عـشـت
لأجـلـه عـاش لـغـيـري, فـكـيـف أعـيـش بـقـلـبـي الـحـنـون بـيـن
بـشـراً دائـمـا ً تـخـون.
لينا/ مختار يتصورله اصدكه بعد لو تعبر عليه حيله وخداعه كلت خليني اكشفه واشوف شلون ينكر بعد
بس انغدرت من عرفت بنفسي حامل للمره الثانيه وجانت غلطه بالنسبه الي
بعد مارجعنا من الزيارة وتأكدت من حملي كلت مختار مفضوح والله راح يكشفه بدون ماادور وراه بس اصبر .
بعد فتره خابرت امي وكالت"
امي: غادة صارت زينه بعد مااخذوها للعلويه وتحسنت حالتها الف الحمدلله والشكر .....
من رجع مختار كتله"
لينا: اريد اروح لاهلي اشوف غاده
مختار:انا عندي خفر اليوم خلي باقر ياخذج
لينا: مختار باقر زعطوط شنو دازني وياه وين غيرتك
مختار: لاتلغين زايد باقر ياخذج والاماترحين ...
كلت امري لالله اروح وي باقر
مختار:شوكت تروحين؟
لينا: العصر حتى نوصل قبل اليل
مختار:خلص انا اليوم بالمستشفى خفر اذا اتصلتي وماجاوبت لو نايم لو عندي شغل
لينا:ان شاء الله
طلع للدوام وبديت احظر ملابسي حتى يأجرلنا استاذ باقر سياره
كملت كل شغلاتي وردت اشيل حمودي شفته متقيء وتعبان وجهه اصفر وشفته زركه
ركضت لعمتي تشوفه
كالت "
عمتي:وج بالع شي؟؟ ماكل شي !!!...
لينا:والله مااعرف مخليته هنا بالحجله يمشي اشو فجأة لكيته متقيء وجهه اصفر فدوة عمه دبريني شااسوي يمه ابني ...
عمتي:على كيفج شبيج مرعوبه هسه خابري رجلج ياخذه للمستشفى
اتصلت على مختار عشرين مكالمه ومارد دزيت رساله وماكو ..
اخذت ابني خليته على جتفي وشلته للمستشفى
طلعت وراي تركض عمتي ...
عمتي:وج لينا وين رايحه وحدج
لينا: للملاهي رايحه ماخذه ابني للمستشفى..
عمتي: ورجلج ... كتلها رجلي علما يرد اخسر ابني عمه مختار الله مشور بي ماتشوفينه حاله ماينصلح
فدوة عمه اتركيني اروح
عمتي: اوكفي رايحه وياج ..
اجرنا تكسي من شافنا الرجال مخبوصين وابجي صار يمشي سريع ومن وصلنا ماقبل ياخذ كروه وكال "
أنت تقرأ
قدري الاسود
ChickLitحقيقيه اجتماعيه ...خيانه..حب..معاناه ..امراه من جيل أخر بقلمي الكاتبه شهناز الخزعلي..جيمن جلال
