الحلقة(61) من قصة الحقيقية #قدري_الاسود
بقلمي #الكاتبة_شهناز_الخزعلي #جيمن_جلال
غادة/الدنيا كله من ينوصف يوصفون قلب ام فاقده
تنام عيون الناس وعيون ام الولد صاحيه
علاقه عجيبه بين الام والابن حتى لو ماشافته وهو ابطنها سبحان الخالق الي زرع بينا هاي العاطفه ...
اجتمعن كل جوارينا يواسني
واجت عمتي وعمي وحماي اول مسمعو الخبر اجو ...
طعم الدنيا مر ومااحس بشي اله معنى المن عايشين وشنو فايدتنا ليش نخلف ونعيش العذاب ليش يصير بيه كل هذا ....
جان بداخلي سخط وغضب براكين مااعرف شلون افرغها لاالصراخ يفيدني ولاالدموع .
عفت الكل ورحت للغرفه خليت راسي على المخده وحاولت انام مو نعاس بس هروب
هروب من الي جاي يصير بيه
زين ليش تنطينياه اذا تاخذه وارجع استغفر الله ومااخلي ثغره للشيطان يدخل للصدري
اعرف هذا امتحان ولازم اكون صبورة
بس وين يبيعونه الصبر واشتريه وين مستعده ابيع عمري واشتريه لان خلصت عمري محتاجه الصبر
عيوني جفلها النوم وصار كدامي كل شريط حياتي بمرارته وقهره عيوني تبجي وكلبي ينزف
بعد ساعتين دخل عليه فضل اول ماشفته مااعرف ليش غضبت عليه وكانو هو سبب فقدان ابني
صرت اضرب بي واكوله"
غادة: مااريدك كلشي ماريد من الدنيا عوفوني اريد امووت اريد اموت واخلص
....جرني حيل لحظنه وكام يشهك من البجي حاكم قبضته عليه ويبجي
حظنته بكل قوة واشهك كتله "
غادة:فضل ابني مات وانا وحدي
ابني مات ابين اديه
فضل:حبيبتي الله يصبرج ويعين كلبج يروحي انتي لايصير بيج شي وين اروح منو الي
اخذني من ايدي وكعدني على الجربايه كتله"
غادة: ابني وين ؟؟
فضل: دفنته حبيبتي انتي دفنته باايدي
فضل: وين دفنته !
فضل:على طريق بيتنا كل الاطفال يدفنوها هناك ...
اصعب موقف انو تدفن قطعه منك باايدك
كام يبجي بصوت عالي ...
دخل عامر علينا كال"
عامر: يمعودين اذكرو الله طفل بعده زغير والله مكاتبه الكم شنو قابل شاب
هاي انت عود العاقل ردناك تهديها ليش هيج خويه .
مسح دموعه فضل .. كاله"
فضل: عامر اريد اخذها وياي للبيت
غادة/كمزت كتله"
غادة: مااروح ماريد
عامر: ماتروح اخذها للزياره هسه وتبات هناك يم ابو الحسن حتى يبرد كلبها
فضل :لعد اروح وياها
شويه ودخلت سجى شبكتني وكامت تبجي
أنت تقرأ
قدري الاسود
Romanzi rosa / ChickLitحقيقيه اجتماعيه ...خيانه..حب..معاناه ..امراه من جيل أخر بقلمي الكاتبه شهناز الخزعلي..جيمن جلال
