قدري الاسود

الحلقة(49)

الحلقة(49)من قصة الحقيقيه #قدري_الاسود بقلمي  #الكاتبة_شهناز_الخزعلي #جيمن_جلال

تكوووووووووول غادة💔
يم باب الأحبهم نزلوني هناك
خلوني انقهر عالطيبة واتـــــحسر
مو فرگة بناية وحايط وشباك
بس فرگة الديرة وطيبة المـــــعشر
مااصدگ عفتكم وانتهى المشوار
مخنوگه وصعب عالعبرة يتــــــسيطر..
معقولة انتهينا وماضي راح انصير
معقولة بصوركم نبقى نتــــــــذكر
ماردنة العتب عالقسمة والمكتوب
بس ردنة الوداع شوية يـــــــــــتأخر
دخيلك يا وكت رد بينة لو يوم
مانگدر بلاهم والله مانكدر

الاء:خيه البنيه خافت وشردت
غادة:اذا ماعدها شي ليش تشرد ليش اصلا تترك بيتها اكو سر !!
الاء: علمي علمج بس الزلم كلهم لازمين سلاحهم ومتهيأين بس يلكوها يذبوحنها ..

غادة/لطمت على صدري...

غادة: يمه دخيلك ربي شنو يذبحوها ليش ؟ هم لكو دليل يخليهم يدينوها للذبح يعني ؟!!

الاء: لا بس رجلها شافها
بس خيه تردين الصدك مالت لكاها مخابره ابد ماخشت دماغي يعني لكيت مرتك تخابر اضربها اجنزها اجنز موش تموع روحي زلم جيس حب

غادة: الاء الله اعلم بالي دار ورا حيطان غرفتهم وانتي ممتأكده مسويه شي البنيه
لاتشيلين خطيتها

الاء: ياداده عليمن اشيل خطيتها ولاالي علاقه بيهم نارهم تاكل حطبهم ...

غادة: ترا النار التاكل حطبهم تاكل من حطبج هم
لاتنسين البنيه بنت عمج وبنت عم زوجج يعني اذا ثبتت ادانتها ونذبحت سمعتج وسمعت اولادج وياها

الاء: يا خيه والله نتبره منهم شنو هذا ابوها المره لازم سلاحه ويهدد بنتي بريئه والي يمسها اذبحه

غادة:لعد معليج اسمع واسكت وهونيها على فضل ترا حالته حاله

الاء: يا خيه منايم صار يومين وضغطه صاعد هسه يموت الرجال

.....نطيت اني ..

غادة: اسم الله  عليه ..

  .. كامت تضحك
كالت "

الاء:خيه الله اليستر بس
اي شلونها بنوتج يكولون سمره !

غادة: اي تشبه ابوها هواي

الاء: اني جهالي كلهم يطلعون شحم وشكران عليه حلوين...

...غمستها بشويه سم...

غادة: المهم اتمام الخلقه 

الاء: اي والله ...

مر اسبوع وايناس ماكو مالها اثر يدورون وماكو ماخلو مستشفى ولاسجن ولادربونه ولااهل البيت
ماكو اختفت ....

بعد اسبوعين خابرت على رقم امها وتطلب منها يعوفوها بحالها ...
الي خابر شرطي من المنطقه والظاهر صايرة بينهم علاقه....
لان وصف جسمها لامها
وامها متخبله صاعد ضغطها واكعه
من اخذ التلفون زوجها كايله انطينياها
ماقابله تحجي وياهم وتكللهم عوفوني بحالي ولحد يدور عليه  ...
من سمعو عيالي هيج
دورو كل مراكز الشرطه ونتشر الخبر بالمنطقه
حالتهم حاله تصعب على الكافر
زلم مدنكه روسهم راحت سمعتهم وتطشرت هيبتهم
بسبب طفله طايشه ماعرفت تتصرف .. المصيبه عندها بنيه اكبر من بنتي ايلاف ب ست اشهر