غادة/مشت الايام ويحيى حالته نحو الاسوء انقطعت عندي العاده النسائيه مافكرت يجوز حامل ولافكدتها اصلا ايامي مثل بعضها بس بدت عندي دوخه ولعبان نفس وكمت اتقيء...
كالت عمتي: وجهج اصفر تعاي اخذج للطبيب بلكي حبله
غادة:انطي خبر ليحيى ...
هذا الحجي يحيى ليل نهار نايم يكعد كد الحمام ويرجع حتى اكل مياكل
رحت كعدته.... يحيى....يحيى...
جاوبني وهو غااط بالنوم: شكوو ؟
غادة: راح اروح وي عمتي للطبيب.
اشر باايده روحي....
اخذت كم فلس وياي ورحت وهاي اول مره اطلع من بيت عيالي حتى لاهلي بعدني مرايحه حسبالي اشبع دلال ونسه وطلعات من سجن لسجن .... رحنا للطبيب سوينا تحاليل
_ المحلل كال مبروك حامل.
؟فرحتي ماتنوصف اني حامل وراح اصير ام رجعنا الفرحه ماسايعه عمتي ولااني طبت
عمتي كالت: بلكي هذا الطفل وجهه خير على ابوه ويرجع طبيعي
كتلها: عمه هو شبي ليش هيج يسوي ودائما نايم؟
نطت بوجهي ولاجنها ستوها تضحك وتدعيلي...
كالت :شبي يمه ماعاجبج ينعس وينام شتردين منه؟
سكتت ماجاوبتها دخلت للغرفه بنومته كعدته
كتله: يحيى اكعد عندي الك خبر يفرحك
اهز بي تالي عاط وركعني على خاصرتي
يحيى :وسم شتردين ؟
كمت ابجي لازمه خاصرتي من سمع شهكاتي كعد على حيله
يحيى:المن مكعدتني؟
غادة:عود ردت افرحك
دنك كال :ماكو شي يفرحني.
كتله: ليش اذا حامل ماتفرح ..؟
نطت عيونه فرحان كال: صدك والله؟
كتله :اي والله هسه اجيت من الطبيب وكال حامل.
كعد حظني وباركلي ..
يحيى:انا اسف لان ضربتج جنت نايم وماادري بروحي.
بقى حاظني ...
غادة: انت ليش هيج شبيك شنو يوجعك اني مو زوجتك خليني اشاركك
يحيى: ماتتحملين وتعوفيني
غادة:وعد مااعوفك بس كلي شبيك..
مسح وجهه وكال :راح احجيلج بس ماتحجين لاحد
غادة: اي مااحجي....
وكعد يسردلي قصه حبه لبنيه حبها وتالي تركته وتزوجت رجال شايب جان عاشكها واهله ماموافقين كاللهم اتزوجها غصب عنكم كالو نعوفك وانت موابنه كاللهم عادي المهم هيه تصير الي تالي استسلمو وراح يخطبوها اله لكوها متزوجه كام يلطم على راسه كدام اهلها طارديهم من البيت بقى يحقد على اهله وصار يقضي وقته بالنوم سنه كامله هو على هاي الحاله الا ان عمتي متزوجه يمهم مرشحتني اله بنت عمك غادة جمال واخلاق وتنسيك ابو صخمانه وهذا اكبر غلط باان شخص تنسي بشخص ثاني راح تظلمه واني انظلمت ولو الظلم موجديد عليه....
انصدمت من الي اسمعه
أنت تقرأ
قدري الاسود
ChickLitحقيقيه اجتماعيه ...خيانه..حب..معاناه ..امراه من جيل أخر بقلمي الكاتبه شهناز الخزعلي..جيمن جلال
