الحلقة(67) من القصة الحقيقية #قدري_الاسود بقلمي
#الكاتبة_شهناز_الخزعلي
حزن مديوف بالحرگة
حزن مامش وراه ملگه
______________________
الخوف ...اكثر شي يرعب الانسان يشتت افكارة ...ويبعث بداخله حب الموت والاستلام والجمود ... #قدري_الاسود ...غادة
غادة/رجع فضل من دوامه كبل عليه حتى يأخذني لبيتي مااعرف ليش اول ماشفته وجعني كلبي
كتله"
غادة: فضل اريد ازور جهالي الدفنتهم
فضل: غادة موزين عليج وانتي بعدج نفسه وتتأذين
غادة: نفسه ؟؟ نفسه بشنو بطني وحظني فارغات سيد
فضل: الله يعوضج .
غادة: بعد ماريد خلص ماافكر اصلا بالاطفال اجيبهم للتراب مامقسوملي طفل غير ايلاف اءا الله كاتبلي تعيش عمري كله وماتروح من ايدي هم ...
صرت ابجي بحركه واناشغ
وكف السيارة وكال "
فضل:غادة اذكري الله انتي امراة مؤمنه وهذا كله امتحان
وصدكيني الله كاتبلج الاحسن
غادة:ونعم بالله ...
حرك السياره وناوشني بطل ماي بارد اخذت منه ورشيت على الوجهي احس حرارة الجو تلهبني
وصلنا للسيد الي دافنين يمه جهالي
كلبي وجعني واحس رجليه ماتطاوعني انزل وابجي
كال"
فضل: لاتنزلين منا وريحي كلبج
لزمت ايده وخليت ايدي الثانيه على جتفه ونزلت
وصلت للقبور الزغيره وانحنيت عليهم وبجيت وحمدت الله واحتسبتهم لله وحده لاشريك له
صارو ثلاثه جوة التراب ...
وبعد خلص هذا حدي ماكاتبلي ربي بالاطفال ..
وصلت للبيت وكلبي مقبوض مااعرف ليش احس البيت مو بيتي وكانو داخله غير بيت
من شافني فضل لزم ايدي ودخلني وهو يسمي بالرحمن ويقرا قران ...
دخلت لغرفتي وخليت راسي على المخده رحت بسابع نومه ...
كعدت المغرب دورت لافضل ولاايلاف
رحت توضيت ومديت سجادتي اول كلمه ردت انطقها احس شي خنكني ويبعدني عن السجاده
كلت شمالني هاي لان نمت المغرب تنحست
وهيج صارت الصلاة ثكيله
اريد بس تخلص احس شي طابك على نفسي
اول ماخلصت وسلمت طبكت السجاده بملل وكمت ولاول مره تصير وياي ...
دخل فضل وبأيده ايلاف ومتسوك وجايب خبز
كتله "
غادة:ليش اشتريت خبز اني اخبز
فضل:تخبزين وانتي مريضه لا اني اشتري هو كله الف دينار ...
كمت حظرت العشا وتعشينا بس مااعرف ليش مالي خلك حتى احجي فضل يحجي وياي ارد كد السؤال وكوة ....
حس بيه سالني "
أنت تقرأ
قدري الاسود
ChickLitحقيقيه اجتماعيه ...خيانه..حب..معاناه ..امراه من جيل أخر بقلمي الكاتبه شهناز الخزعلي..جيمن جلال
