٢٦
#قدري_الاسود #الكاتبة_شهناز_الخزعلي
_________^^^^^^_______
لا أعرف إن گنت أقتل أيامي
ام ان أيامي تقتلني
في الحالتين هناگ جريمة تحدث.....
غادة/وصار وكت العشا وانا من المستحه ماكدر حتى اطلع يمهم مشاعر متلخبطه شي على شي مااعرف اوصفها بس الرهبه والخوف جان مسيطر عليه اكثر شي
صارت الساعه بل٩ .. واجه سامي كعد وياه ابوي وسوالف وضحك ..
شويه صاحتني امي كالت"
أمي :ابوج يكول خليها تجي....
.... عدلت عباتي وحجابي بدون ولانقطه مكياج....
سارة: عود صدك عبايه وحجاب ماتتبوشين فرد نوب ..!!
باوعتلها صفح ..
غادة: ترا اسويها واتبوشه..
هزت ايدها وطلعت .. رحت للاستقبال وياي امي سلمنا انا كوة طلعت مني"
غادة: السلام عليكم
سامي:وعليكم السلام .
ورفع راسه ..
طلعو اهلي وعافونا وحدنا
يمه كلبي صاار طبل وين اشرد حتى ماباوعت بوجهه لحد ماايده مدها لحنجي ورفع راسي
ضليت مصدومه هذا شجابه يمي وشبسرعه تحرك ومد ايده
صارت عيني بعينه ابتسم وكال"
سامي:شالعه كلبي وانتي يمي وانتي بعيده عليه
...حركت حواجبي بأستغراب !!
سامي:مصدومه !! اي شالعه كلبي صار سنه ونص مو حرام عليج.
انا ضاع الحجي كله مني
خله ايده على اديه المكتفتها فوق بعض
سامي: تذكرين وانتي واكفه بالسره بالمديريه والشمس عاكسه ضواها على خدودج وصايرات جنهن تفاح
وعيونج جنهن عيون طفله اول ماشفتج اخذتي كلبي
......انا بس اسمع بفضول
سامي:وانا اخرت جوازج اصلا كلشي مابي بس اصدقائي رشيتهم بعشا مرتب وسووها الي
ومن ردتج تجين لمجلس المحافظه جان يصورلي تكدرين تجين وحدج ...
غادة: ماعدنا بنيه تطلع وحدها
سامي: اي عرفت من جبتي ابوج واجيتي...
وطكها بضحكه
سامي: ردت بس اتعرف عليج بس ماصارت وسالت عليج واخذت معلوماتج كاااامله
وحفظتها هناا .............................ويأشر على كلبه
خدودي صارن حمر من الخجل وحرارتي ارتفعت .
سامي: دزيت عليج المختار بأعتبار شغله يمنا
اشو كال رجعت لزوجها !! بس ورا فتره سالت ولد من منطقتكم ونفى هذا الشي ......
غادة:مو المختار خطبني ورفضت
...استغرب وعكد حواجبه...
سامي: معقوله صدك تحجين ؟
أنت تقرأ
قدري الاسود
ChickLitحقيقيه اجتماعيه ...خيانه..حب..معاناه ..امراه من جيل أخر بقلمي الكاتبه شهناز الخزعلي..جيمن جلال
