الحلقة (70) من قصة الحقيقية #قدري_الاسود
بقلمي #الكاتبة_شهناز_الخزعلي #جيمن_جلال
أحنا بمركب الحياة ... مهددين أذا موج البحر عله نغرك....وننمحي ويمكن نصير اكل للسمك ....
واحنا اذا طحنا ...او وكعنا بمحنه محد يحس بيها ....هواي بحياتنا
ناس تتفرج ووتسلى ....ليش لان موكل انسان مرتاح مثل الشخص المتفرج...... وووومن تشوفون شخص متألم نااام ...نومه عميقة لاتصحوة .....حتى لاتصحى جروحه .... غادة هيج هواي ناس بحياتها يحبون يتفرجون ويذبون فوك الجرح ملح ومن ضمنهم المتابعين الي ينتقدون الروايه ويشككون بمصداقيتها......
إليكم الاحداث👇
غادة/مااعرف ليش صار وجه الراس كبالي من شفت ايلاف بهيج وضع صرخت واغمى عليه
صحيت بعد شويه وايلاف تلعب يمي واني متمدده ومغطايه
سالتها "
غادة:شلونج ماما شنو يوجعج ؟؟
ايلاف:بلعومي خالو خنكني
بجيت بهضم حتى عامر الي جنت متصورته سند يصير ضدي ليش يخنك بنتي لو ميته وين انطي وجههي وهيه البقتلي علمود جهال بينهن يتعاركن ....
بقيت عد اهلي شهر كامل .... بهذا الشهر حالتي اتدهورت صحيا قطعت الاكل ولنوم كاعده ليل نهار مرات تتصل عليه سارة تطمئن مالي خلك اسولف بس سلام واكطعه لو لينا الي همومها اكثر ....
حمزة ملتهي بدروسه وابوي من يشوفني يكول لامي بنتج شوكت ترجع لبيتها ....
صرت عدوانيه وارد واحجي كتلها "
غادة:كوليله هنا كاعده مااروح المن موليه .....
كرهت بيتي وطاريه كرهت فضل ولو اموت ماارجعله هنا اموت كافي الي وصلني منه ..
ابوي يوميه مشكله لو يضرب ايلاف لان وكحه.
اي اعترف ايلاف وكحه وحركه مو هادئه وتعارك واهلي مايقبلون مرات تجيني تبجي سكته من اسالها شبيج ماتحجي اخاف احد يتعرضلها بسوء وهذا الخوف القديم البداخلي انعاد من جديد .
ياربي وين اروح وين انطي وجهي من يخابر فضل ارفض حتى الرد عليه ومن يجي يشوفني ماتطلع واذا اطلع غصب اسلم وارجع بس يشوف ايلاف حاول اكثر من مره ارجع وياه ورافضه ...
اصلا صرت مثل الجثه وتمشي شيسوي بيه
مااصلح زوجه ولاام بيت ميته ...
خابرت سارة على امي وكالتلها اخذي غادة لمريه معروفه بالكوفه مختصه بهيج شغلات
جاب عنوانها زوجها معن
اخذت امي العنوان وتأكدت منه وطلبت من ابوي نروح للكوفه ...
والصدمه ابوي رفض رفض قطعي .. شلون تروحين لناس دجالين شنو احنا مو جدنا محمد وهم نفتهم يقشمرون عليجن بهاي السوالف
بعدين شبيها بنتج كلشي مابيها تاكل وتشرب كلشي مابيها ....
أنت تقرأ
قدري الاسود
ChickLitحقيقيه اجتماعيه ...خيانه..حب..معاناه ..امراه من جيل أخر بقلمي الكاتبه شهناز الخزعلي..جيمن جلال
