الحلقة(30) من رواية الحقيقة #قدري_الاسود
بقلمي #الكاتبة_شهناز_الخزعلي
تعال وياك أخذني وخـــــل نروح آبعيد
ونعيش الفرحه كافي وخل نعوف الهـمّ
تعبنه الوكــــــــــت والقدر بينه يدوس
مجروحين آحنه والجرح يلجـــــــــــم
محد بينه داري وعذبانـــــــه الحــآل
وألك هذا الحچـي يـلّ وحــــدك آلتفهم
كل شي يخـون بينه لكن انّـه ويّـــــآك
أبد منخون حبنه وربك اليعلـــــــــــــم
غادة/تكررت الحاله وصارت ليلى تحاول تغيضني بتصرفاتها الى ان فاض كيلي كلت لازم اخليلها حد وحده من الاثنين كافي طيبه دومني طايح حظي من ورا كلبي لااشو الى اسويله جاره كلبي
انا الج ليلى الى اكول لسامي لمخابراتها وي زوجها بلكي يطيح حظها وصارت عندي ورقه تهديد الها هههه لاول مره افكر تفكير شرير ...
كملت مواعين الغدا غسل وترتيب وصعدت انتظر سامي ماكو دقايق وصاحت ليلى "
ليلى:غادة.....غادة
... كلت ياستار ...
نزلت....
غادة: ها شكو ؟
ليلى: عبير رجعت من الدوام تعالي صبيلها غدا خطيه تعبانه ...
......متت قهر اشتعلت نار .....
غادة:وليش ماتصبيلها انتي اذا كاسره خاطرج ليلى ترا عبير زوجه حماي مو عمتي ام زوجي وحتى عمتي مو واجب اخدمها بس كلمن يتصرف من تربيته واخلاقه
ليلى ترا صابره وساكته لخاطر عمتي وسامي والا وداعتج الحرب الشانتها عليه انتي الخسرانه.
ليلى: ماشاء الله شنو هاي هذا حجي جديد ؟
غادة:لاجديد ولاعتيك ليلى فكي ياخه مني ترا حامله ضيم الدنيا كله لاتزيديناها عليه.
ليلى: فوتي ولي مانريد منج شي .
ستوني اريد ارد على كلمه ولي وصاح سامي صيحه رجت البيت ليلى
كامت تبلعم عود انا واكفه بثقه لان صاحبه حق كالللها"
سامي: عفيه بااختي عفيه المعدله خوش تربين اجيال هذا اتفاقنا
ليلى: موو ......
....سكتها راسا ورد عليه"
سامي: شعندج نازله فوتي لغرفتج والي يريد غدا يصب لنفسه مو خدم هنا .....
وجان متقصد يسمع عبير الي احسها حيه تلدغ وتضم راسها
صعدت ركض لغرفتي خفت من عصبيته
صعد ورا ساعه بس حيل مزعوج وماله خلك
اجيت يمه حاولت احجي وياه .خليت اديه على جتفه باوعلي صفح نظرة عتب كال"
سامي: هيج وصيتج تراددين وتعلين صوتج لو جاي واحد من اخوتي وسامع صوتج شيكول عليج ؟
دمعت عيوني كتله "
غادة:والله هيه جاي تأذيني بكلامها وكوه الزم روحي
سامي:غادة انتي عاقله لاتخليني اهم بيكم وبمشاكل البيت ترا انعام كرهتني بطبت البيت اوجودج رجعلي السعاده لاتخليني اشرد من البيت**...
أنت تقرأ
قدري الاسود
ChickLitحقيقيه اجتماعيه ...خيانه..حب..معاناه ..امراه من جيل أخر بقلمي الكاتبه شهناز الخزعلي..جيمن جلال
