الحلقة(58) من القصه الحقيقيه #قدري_الاسود
بقلمي #الكاتبة_شهناز_الخزعلي
بعد مانبجي صرنا كبار ونخاف
الدمع من يمشي يعثر بالتجاعيد
بعنه المانملكه بسوك الاوهام
الابد مايوم نذكر لزمته الايد
وعلئ الواكف ركضنا وماوصلنا
كتلنا ارواحنه وماندري شنريد
ودورنه شكثر ماشفنه شباج
نكصده من نكفر اذنوبنه انريد
ماخف العذاب ويوم عن يوم
جاي نحسه كلما نكبر يزيد
نچيك اعمارنا ونغلط بالحساب
وكل ساعه نموت ونرجع انعيد
لينا/
بعد ولادتي بمحمد ابني شفت هوايه شغلات تغيرت ب مختار اولا صار يبات برا هواي بحجه الخفاره .. سهر للصبح .. مصروف قل .. ومعاملته لاولاده قست ماعدا باقر يختلف ....
مره كاعدين وطلب مني طلب غريب
كال"
مختار: لينا اختج غاده والله حلوة ليش مخاذه فضل اصلا ولايمها
باوعتله بصدمه .. وكتلة:
لينا:شنو هذا الحجي شنو ولامها زوجها وابو بنتها ليش هيج تحجي ؟
مختار: اكولج ليش ماتعزمينها .. ؟
لينا: والله فكره ...
بيني وبين نفسي ابد مافكرت بالشيطان وعمايله كلت حاسبها اخته
لينا:بعد اسبوع وفاة الرسول صلى الله عليه واله وسلم اعزمها تجي للمجلس وهم اشوفها بس كون زوجها يقبل ...
شفت بعينه الحماس مااعرف ليش
وفعلا اتصلت على غاده وطلبت تجي تزورني
وطلبت من السيد انو تبات يمي ليله لان مشتاقتلها ولبنتها الوفه .......
وقبل السيد تبات يمي
اجتني غادة يوم المجلس بيومها جنه عازمين المنطقه كلها نسوان مجلس وثواب غدا وصلها فضل يمي وراح
دخلتها للغرفه وكلتلها بس اكمل المواعين واجيج
رحت ورا نص ساعه رجعت لكيتها مكورة روحها وكاعده مخلوسه ...
لينا: شبيج غاده ..
غادة: مابيه بس ماابات لينا بس يخلص المجلس شوفيلي تكسي ارجع لبيتي لان فضل ورا الغدا يلتحق لسامرا ..
لينا:ليش لا فدوة مو وعدتيني تباتين عندي ليش غيرتي رأيج لا عفيه ماصدكت قبل فضل
.......
غادة /
طلبت لينا مني ابات يمها بيوم وفاة الرسول يوم ٢٨ صفر
من كلت لفضل مارفض ابد بس كال "
فضل:زحمه تباتين حبي يخلص المجلس وارجعي وشرط لينا ترجعج مو ترجعين وحدج
غادة: خطيه والله هيه بس ليله صار شكد ماشايفتها
اخيرا قبل بس ماتتكرر عيب مهما يكون ناس غرب تباتين عدهم شنو
غادة: مو بس اني اخوات مختار كلهن وبنات عمه هم عازمينهم يعني جمعة نساء
أنت تقرأ
قدري الاسود
ChickLitحقيقيه اجتماعيه ...خيانه..حب..معاناه ..امراه من جيل أخر بقلمي الكاتبه شهناز الخزعلي..جيمن جلال
