حصاد المواسم

ح ٣

#حصاد-ألمواسم
👇
#فراقد
👇
#ألحلقة(( ٣ ))
÷÷÷÷÷÷÷÷÷÷÷÷÷÷÷÷÷

نور صاحت عليه بصوت عالي //
هددديل تعالي هنا الحكيني بالغرفة

بقيت اباوع بوجة اقبال وأبتهال
يباوعن بوجهي

فتت من يمهن أقبال لزمت شعري على كيفها
كالت // من دهر صابج وصاب الخلفوج
على هذا اللون

رحت وره نور كاعد بالكاع وتبجي
أشرتلي وكالت // تعالي أكعدي هنا
كعدت أبصفها وبقيت أباوع بوجهه
كالت //منا وهيج بس يصير المغرب ممنوع
تطلعين من الغرفة ولا تنزلين جوه

وأذا أنام بليل ممنوع تفتحين الباب لأي واحد
واني نايمة ... عسى ماتتكسر لا تفتحيها بليل

كتلها // اريد أنام نعست شوفي عيوني
صارت حمره مو ؟؟؟؟
وسحبت جفن عيني الجوه بصبع أيدي الجبير

هي ضحكت ضحكة صغيره وكالت //
ولج ملعونه شلون شفتيها صارت حمره
كومي نامي على الجربايه

كتلها // شنو يعني جربايه مااعرفها؟؟

ردت ضحكت وكالت// يعني هذاك السرير
روحي نامي عليه ..
بين مااكمل غسل الملابس واشرهن بالسطح ،
تكونين انتي نايمة شويه ...حتى اكعدج قبل المغرب

كمت أمشي واتعثر بالدشداشه طويله
رحت تمددت على القريوله ....
وهي اجتي غطتني،،وطلعت من الغرفة

شوية وغفيت ........
باوعت شفت امي شهلاء فتحت الباب
واجتي عليه باستني من بلعومي .....
ولبستني كلاده صفرة ....
وشكلها يشبة البيضة .....
وهاي الكلادة محطوطة بعلبة كزاز
بس شويه من جنب بيها كسر صغير ....
صارت على صدري جبيره ....
كتلها // ماما حلوه هاي الكلادة شنو هذا النقش عليها؟؟؟

ضحكت وكالت // هذا كتاب محمد راح يحفظج ....

فتحت عيوني نور تكعد بيه ...
مديت ايدي على صدري ماكو القلادة ..!!!
اتذكر امي شهلاء كمت ابجي

هي نور خطية تمدد ابصفي وبقت تلعب بشعري
وتسكت بيه ،
كتلها // امي شهلاء موجوده يمكم بالبيت ؟؟
هسه فتحت الباب ولبستني كلادة صفره
وكالت // كتاب محمد راح يحميج
وين راحت خلي تجي عليه والرب أحبها
واريد اشوفها .....

هي كامت تبجي ويايه ،
وكالت // أمج ميته
يعني جسمها نفس هذا جسمنه مدفون بالكاع
بس لا تخافين عليها يعني نايمة ورجعت بحظن أمها
وروحها هذا النفس النتنفسة صعد فوك يم رب العالمين هو ارحم بيها مني ومنج

وكتاب محمد القران ان شاء الله يحميج
بحق فاطمة البتول

كتلها // ليش متكولين كتاب أبونا عيسى
وأمنا العذراء مريم ؟؟

صفنت بوجهي وكالت // هديل انتي أهلج مسيح ؟؟
يعني أنتي مسيحية على دين النبي عيسى عليه السلام