ألحلقة ألتاسعة ///من أحداث قصتي///
بعنوان /////حصاد ألمواسم
خطت بقلم ///فراقد حسن علي ///
----//////----//////-
قولوا//بسم الله ألرحمن ألرحيم...قبل قراءة ألحلقة
××××××××××××××××××××××××××××××××
شفتك بالحلم فزيت ادور عليك
نسيت انة صحيت وبالحلم عفتك
اعاين بالوجوه وانت ما موجود
ما معقولة يمي وإني ما شفتك
شلتك بالكلب يوم الجنت موجود
ودمعة بالجفن يوم الرحت شلتك 😢
----//////----//////----
طلع سجاد يركض شايل نبأ...كلهم صخام ما أشوف منهم شي...ويصيح//لفنها زين وأخذوها للمستشفى
رجليها محروكة ...
وهي نبأ تبجي وخايفة...مرعوبة وتصرخ
وصرختها بخوف وجع ....
نور تصيح //ولكم باقي جهالي وين ...
سجاد باوع علية...وشافني وأكفة ومصكوكة بنص ألشارع صاح//شبيج شوفي أمج وساعديها
باقي جهالها محروكين ....
أني من ألخوف وألثول...ولا جني أسمعة
بس أباوع على ألناس...ومخلوسة بمكاني وأبجي.
كميلة...لكفت نبأ من أيد سجاد .
ونور همشتها من بين أيدهم...تبجي وتصرخ وتباوع عليها.
طلع أبراهيم رجل سهى...يركض شايل محمد
هم مصخمين كلشي ما ينشاف منهم ...
محمد محروك جسمة أكثر...بس عايش
نور عياطها كسر ألدنيا...بجت عليها حتى عيون أهلها
ألنايمين بكبورر ألنجف .
ألنسوان...أخذن محمد من أيد أبراهيم .
وكامن يلفن بي بعبيهن...ونزعنه هدومة
وكميلة هم تشجعت...وكامت تنزع بهدوم نبأ .
ويطلعون رياجيل...شايلين أم حسيون ...
بس ما تتحرك...ما أدري فاقدة لو ميتة ...
وأبو أبراهيم شايب ألبين يعيط// يا يمه...يايمه
وحدة من ألجيران ألبصف بيت حسيون
صارت سباعية...جابت من بيتها بطانيات وجراجف
لفوا نبأ...ومحمد بيهن...
ومن طلعوا أم حسيون لفوها بالبطانية.
هنا ونسمع ألرياجيل يصيحون//سجااااااد أطلع
وصوت علاوي رج حياطين ألديرة...يصيح//سجاااااااد وينك جاوبني .
كميلة عافت نبا بحظن نور...وركضت على ألبيت
وألنار أسم الله...كامت تاكل بالحياطين .
كامت تصيح وتبجي//يمه سجاد وينك ولك لا تفجع كلبي...لوعة عطأ بعدها تاكل بروحي .
رجال غريب...طلع زيد سودة علية...ألنار شالعة بي وكاموا يطفون بي بالبطانيات.
حسيون تسودن...والله يعيط ويلطم على راسة مثل ألنسوان...خطية أنشلش ما يعرف شلون يصرف.
هنا ويجي أبوية...وسيد مهدي...وباقي خدام ألمرقد
أبويه من شاف أمي تعيط وتلطم بالشارع وتصيح //
يمة سجاد...هو أفتهم سجاد أختفي بالنار ...
كام يحجي بصوت عالي//ربي رايد وليدي منك .
أنت تقرأ
حصاد المواسم
Genç Kız Edebiyatıلكل زرع موسم لحصاده .. وعادة ما يحصد الزراع نتاج ما يزرعون .. ومواسم الحصاد هي مواسم اُنس وفرح وغبطة , إنها لحظات جني الثمار .. بعد جهد وتعب , وبعد عناء سواء طال الموسم أو قصر ..
