ألحلقة ألثالثة عشر ///من أحداث قصتي///
بعنوان /////حصاد ألمواسم
خطت بقلم ///فراقد حسن علي ///
----//////----//////----/////------------
قولوا//بسم الله ألرحمن ألرحيم...قبل قراءة ألحلقة.
×××××××××××××××××××××××××××××××
كالولي .. وتناثرت روحي على دربك عشك
كالولي عنك تجي .. واحتار گلبي شيدك ؟؟!!!
×××××××××××××××××××××××××××××
محمد //فقدت بمرقد ألأمام...وظليت أبجي وأصرخ
وأدعي لرب ألسموات...أريد أرتاح...تعبت وألعباس تعبت
ألدنيا تولتني ألكفخ...كلساع تكفخني كفخة شكل وتدمغني على هامتي بدمغه حقد وتطيحني للكاع
وأعاند وأكابر ،،وأرجع أشد حيلي...وبس أنهض ترجع تدمغني.
ألخدام ألموجودين بالمرقد ثلاثة...
وألواد..وكميلة..وسجاد..كلهم يبجون وياية ما أدري يبجون على حالي..ألوادم كاموا يدعون ألهديل بالشفاء
هي بس تعاين علية...ومربوطة بالشباك وتبجي
ما أعرف شبيها ... تصرفاتها كلساع شكل .
كعدت على جهه..وأخذت ألقرأن..وقريت سوره ياسين وهديت ثوابها لصاحب ألمرقد...
وعلى روح أمي هندية ... وأبوية هلال .
أجى علينة للمرقد ... كاكا رامان
كال//منتظريكم على ألعشا وتأخرتوا...
كاكا حمه منتظركم .
فتحت هديل من ألشباك... أنوب لزكت على سجاد
وما تعاين علية...ومتقبل ألزمها...لو أطخها
تصيح// وخر أنت نكس
عاينت على كميلة وكتلها //أم عطأ هاي جديدة مال أنت نكس موووش لو أنا متوهم.
كميلة كالت بقهر//ااااااخ يمة يا أحميد..وحك علي داحي ألباب فركس كلبي...كون عساها حوبتي...وشلة حالي
وعذاب هل مسكينه...مايخطى ألاذتها...وعساها كون تتلكاها بعافيتها...بجاة كل حرة عند الله و أزاها ألنذل وسلب عرضها .
رجعنه ألبيت كاكا حمة..أمانة الله ماقصر ألزلمة ويانه بكد شعراية...هذاك ألعشا ألزين ... وألجاي
وألكعدة ألزينة ... هو وعايلته كاعدين ويانه
وألسوالف ألحلوة...تكولون أهلة وجهبوه
أبد ما عدنه غربة عليهم .
فرشولنه بالاستقبال...
كال//ناموا وأرتاحوا وأني أكعدكم...عندي جم شغلة أخلصها على راحتي وبعدين نتوكل على الله.
صدك نمنة هذاك أليوم...بيت كاكا حمه
بس ما أمنت ربطت هديل ...أخاف تشرد...لو تغدرنه
لو تغدر روحها .
والله بس خليت راسي...أستلمت ألسريع وهي نومة..
تعبان مفوول من ألتعب .
حسيت على صوت كاكا حمه يندهني...
صحيت...وباوعت للساعة ب ٣ ألفجر ...
كالي//شد حزامك وكوم..خليني أشوف سالفة زوجتك شنو...عافني وطلع...
أنا كمت وندهت كميلة...وسجاد
كامت كميلة تسفط بالفراشات...
من وعيت للدنيا وهي شاطره ونظيفه ونادره...
وكلبها نظيف...هن بنات أبو سعدي يختلفن عن باقي بنات عمامي...أنا ما ملحك على أمهن عواطف
بس من يجبون طاريها يكولون عنها//تنكط محنه وطيب...بس أستغفر الله ألمرحومات جرفهن غوه ألدنيا.
أنت تقرأ
حصاد المواسم
ChickLitلكل زرع موسم لحصاده .. وعادة ما يحصد الزراع نتاج ما يزرعون .. ومواسم الحصاد هي مواسم اُنس وفرح وغبطة , إنها لحظات جني الثمار .. بعد جهد وتعب , وبعد عناء سواء طال الموسم أو قصر ..
