ألحلقة ألعاشرة ///من أحداث قصتي///
بعنوان /////حصاد ألمواسم
خطت بقلم ///فراقد حسن علي ///
----//////----//////----
قولوا//بسم الله ألرحمن ألرحيم...قبل قراءة ألحلقة
×××××××××××××××××××××××××××××××××
كتلك عوفني .. كل قصدي الاشيك
كلت الحب حلو .. تونس زعلته
ما اصورك .. منتظر هاي
بوجهي الباب .. شو رأسا قفلته
اعتبرني بهاي جاهل .. جنت احاجيك
وطفل غلطان .. ما تغفر غلطته ..؟
-------------
هديل//من شفت هذا ألرجال ألوسخ ...
وكعدني محمد من ألحلم ...
متت من ألخوف...وأباوع على باب ألهول
كتلهم//والله هذا خوفني .......
محمد بقى لازمني ويكلي//بسم الله ألرحمن ألرحيم ....
هديل شو عايني بوجهي ....
ماكو أحد بالباب...أنتي جنتي نايمة وتحلمين .
كتله//محمد والله أني خايفة...
أجى علية هذا ألرجال ألوسخ...ونام بفراشي
وأنوب شكلة صار حلو...وباسني .
كالي//سمي بسم ألله...وهذا حلم مزعج...ماكو شي
تعاي أرجعي نامي...وكولي يالله .
محمد //نامت هديل بمكانها...وغطت حتى راسها
وجهه أصفر من ألخوف...
وحسيتها صدك شايفة شخص مخوفها
عيونها شابحتها على ألباب ومن صدك مركزة وتعاين على فد شخص والعياذ بالله.
ثاني يوم ألصبح...رحت للمستشفى أنا وعلاوي
أعاين ألحال نور وضعها أحسن...بس ألجاهل بالحاضنه.
أنتظرت للعصر...وطلعتها من ألمستشفى هي وألجاهل
بس ما بلغناها بوفاة ألمسكين زيد .
هديل//أني صح رجعت نمت بمكاني...وغطيت حتى راسي...بس بقيت خايفة وأسمي باأسم ألله .
لهناك ورجعت نمت....
وفزيت على صوت ألجهال يبجون ...
باوعت ... نهله كاعد تريك بيهم .
من كعدت روحي مخنوكة...وضايجة...
ونافرة من ألبيت كله...حتى ما شتغلت ولا كلشي سويت...مالي خلك...وما أدري شبية ،
بقيت مجطوله بالهول يم ألجهال
نهله ألطبخت ألغدة .
للعصر محمد...وعلاوي جابوا نور وألجاهل من ألمستشفى...باوستها وباركتلها على ولادة ألجاهل.
جابت ولد...سموا جعفر .
صفنت على روحي...ما أدري شبية
شو لا فرحانة بجية نور بسلامة للبيت ....
لا فرحانة بشوفة ألجاهل...لعب روحي استغفر الله
جنه جريذي ولأزك بالحظينة .
وباقر...مكابلة وكاعد...يداري بي
منطينة سوأئل...يقطرلهياة بالسرنجة،
وكميله...ماقصرت وياه...وألله ألجو بارد
كومي ولفي بصوف...وطلعي بس خشمة
تكول//لأن مو كامل تصير لحمتة ترفة ويبرد.
أباوع ألجهال يردون أمهم نور...وهي مابيها حيل تحرك أيدها...وكلهم يبجون سوية...تحير منو تخلي بحظنها
أنت تقرأ
حصاد المواسم
Chick-Litلكل زرع موسم لحصاده .. وعادة ما يحصد الزراع نتاج ما يزرعون .. ومواسم الحصاد هي مواسم اُنس وفرح وغبطة , إنها لحظات جني الثمار .. بعد جهد وتعب , وبعد عناء سواء طال الموسم أو قصر ..
