#حصاد-ألمواسم
👇
#فراقد
👇
#ألحلقة((٤٣))
××××××××××××××××
ردت بالكون من عدك ولك حس ...
وجبينك لوعرك بيه ولك حس ...
ضربتك للعضم وصلت ولك حس ...
أموتن تريد ... أموت وهاي هيه .
××××××××××××××××××××××××
نايمة ألظهر...هستوني غفيت مالي خلك ضايجة
يادوب أكلت لكمة...أكلت خبزه وياها طماطية
أسد بيها جوعتي.
وأنوب رحت سبحت...وأجيت أدفي بفراشي
ألجو حلو بالشهر ألعاشر .
وأسمع صوت هوسة فرقة نور وفروخها .
هااا...أتذكرت...والله ألتهيت بضيمي...
ونسيت أسولف عن ولادة نور...خطية تأخرت بالولادة.
كميلة تكول// عوشرت ..
كتلها //شنو يعني عوشرت ...؟؟؟
تكلي //حسيون ماكل لحم بعير
كمت أضحك كتلها// هو وين ماكل لحم ألغنم...حتى ياكل لحم بعير .
صلوات على ألنبي...نور جابت توم ولد ...
سماهم حسيون...على أسماء أولاد مسلم أبن عقيل
هو حسيون يشتغل خادم بمرقدهم
سمى ألجبير أبراهيم ...وألصغير محمد
نور ما جابت هلمره يم كميلة....لا جابت بيتها
لان صارت عدها ولادة بليل....وأحنه ماندري
مجيبتها ألجدة أم سعدون .
وألحجية أم حسيون مداريتها.
حسيون ما مصدك نور جابت توم ولد ...
وكلشي مابيهم ... وصاحين مو مريضين .
مكابلهم وكاعد ... شابع بجي
ما أعرف فرحان بيهم ...
ما أعرف يريد يكسر عيون ألشمات بجيتهم صاحين
ويثبتلهم ماعدهم وراثه ألعوق .
أبراهيم...هذا مو خوش أدمي...ومبين من هسه هتلي
حرك...ومبين عنده وكاحة...وبس يبجي
حتى نور تكول//ينام،،،ويكعد عكس أخوه .
محمد...هذا فد فقير وفطير ...وبس يضحك ،
ومن تجي نور أشبعة عضات...بس ما أوجعه
أكزكزه تكزكز ...
من تجي نور ...أسويلهم مميه كاستر...لو محلبي .
لو جاي حليب ... لو حليب هوش برأسه
يشربون ممياتهم...وينامون،،،نومة ألجلاب ألطايحة بالخيسة.
فاتت نور ... وفرقتها الضالة...
حسيون يوصلها لباب بيت ألسيد ...ويروح
وحسيون صلوات أشترة كراون مسكربه منعول والد وألديها ...بس فايدتهم مسوينها مطي...كلشي يحملون بيها...وأهم شي تشيل نور وفروخها الأربعة
زيد ،ونبأ ،وأبراهيم ،ومحمد .
كعدت بالكوه من نومي ...علمود نور
أتلكتها كميلة ...تموت على جهالها...
شكد تبقى تبوس بيهم...وتسويلهم هوسات
طلعت من غرفتي...ورحت سلمت عليها
وبقيت كاعده يمهن بالهول .
كميلة كالت//يمة كومي سويلنه أستكان جاي
وجيبي وياج...روبه وألخبز ألبارد أوكل ألفروخ
كتلها بنترة // مالي شغل كومي أنتي
هنا دخل محمد ألمصروع ...جان ألظاهر بالحمام
لأبس بس بجامة..ومن فوك مصلخ..
وشعرة ينكط مي...وشامر ألمنشفة على ظهره من جهه وحدة...وبطفرها ألثاني ينشف بشعرة
هو يمشي سلم على نور...بحيث دخل بسرعة لغرفتة
لبس فانيلة نص أردان وطلع .
أنت تقرأ
حصاد المواسم
ChickLitلكل زرع موسم لحصاده .. وعادة ما يحصد الزراع نتاج ما يزرعون .. ومواسم الحصاد هي مواسم اُنس وفرح وغبطة , إنها لحظات جني الثمار .. بعد جهد وتعب , وبعد عناء سواء طال الموسم أو قصر ..
