ألحلقة الواحده ألخمسون ///من أحداث قصتي///
بعنوان /////حصاد ألمواسم
خطت بقلم ///فراقد حسن علي ///
----//////----//////----//////-------/////---------
إن القوانين التي تلجم الأفواه،،،،وتحطم الأقلام
تهدم نفسها بنفسها......
###########################
من فزعت محمد وكميلة وصعدنه على نرجس
محمد بقى يتلاغه هو وسجاد...
وكميلة دفعتهم وفاتت مزرعده لغرفتهم
واني ركضت وراها...نرجس شافت كميلة
كامت تبجي بالزايد وتكلها//خاله لحكيلي.
وأسمع محمد وسجاد اترادموا...وصارت ربده
وصوت عون يصيح//أكسررررك وألعباس
طلعت أركض...وأشوف سجاد زانك عون من ياخته
وهو عون خانك سجاد من بلعومه...لان مصلخ لابس بس شورت طويل...
ومحمد واكع على القنفه ولازم رأسه من وره...
راحت روحي على أحميد كلبي...
ركضت عليه اريد اساعده
هو تسودن ما يقبل الزمة
يفرك رأسه...ويرجع يصم بعيونه
عاف عون وسجاد مترادمين وطلع من بيت سجاد
بس شنو يمشي بدوخه .
اني دفعت سجاد عن عون...
عون هو وحمودي الهم معزة خاصه بروحي
كلت السجاد//شبيييك تسودنت
شمالك أنكلبت خنزير .
عون راح للباب وصاح //يمه تعاي انزلي .
وباوع عليه وكالي//وانتي هم امشي انزلي جدامي
وانوب كال السجاد//وحك نخوة ألعباس للحسين
ما افوتلك زتت عمي لو موش تصير أخوي .
ورجع صاح بصوت عاااالي //يمههههه أمشي أنزلي
اخافن عليج من بزر بطنج لا يزتج من فوك .
سجاد عاط بي //أنجب واكل خ... لا تلوص
هواي أتحملتك.
كميلة أجت تسحول بنرجس بالكوة تمشي
سجاد عاط عليها //ههههي وين موليه
مالج طالعه من هذا الباب .
كميله كالتله//أطلعها وغصبن على شاربك
لا ترفع خشمك عليه يبزر بطني .
هي نرجس تبجي وكالتله//الله يخليك عاد بس
انزل جوة أخافن ألجاهل يصير عليه شي .
عون كاللها//أنزلي خويه نزلي ...
هي بقت تباوع على سجاد...
الا أشرلها بيده يعني روحي يلا أتحركت ومشت
ويه كميله ونزلت ويانه .
كعدناها بالهول...أنوب أنجطلت على القنفه
خطيه عليها ست أشهر...وبيها ولد
بس شنو هلكد منفوخة...وجلدها يلمع من النفخه
يصعد ضغطها...تأخذ علاج مال ضغط
الدكتوره كايلتلها//عندج زلال...
بس تدخلين يومين ثلاثه بالتاسع اولدج عمليه .
خطيه كله تأكل أكل فاهي .
هي تستحي من ألولد كالتلي//فدوة أغديلج
غطيني بشي خفيف روحي مفوعره من الحر .
شمرت عليها جرجف خفيف...والله الجو بارد
بس هي تكول أحتر.
أنت تقرأ
حصاد المواسم
Genç Kız Edebiyatıلكل زرع موسم لحصاده .. وعادة ما يحصد الزراع نتاج ما يزرعون .. ومواسم الحصاد هي مواسم اُنس وفرح وغبطة , إنها لحظات جني الثمار .. بعد جهد وتعب , وبعد عناء سواء طال الموسم أو قصر ..
