#حصاد-ألمواسم
👇
#فراقد
👇
#ألحلقة((٤٨))
×××××××××××××××××××
العــافــيـة بــدونــــــك🔐 مــرض كُــلش خــبيـث🚫
والمــرض ويــاك🙊 صحــــة وعــافيــة☺️
———————————————————
حسيت ...بس مو كلش واعيه شكو بالدنيا
وما اعرف شكد مر من ألوكت....
أريد أفتح عيوني ما أكدر...جفوني بحساب وأحد ولازكهن بتيب ...كلش ثكيلات
أحس وجع كلش قوي براسي ...
و مكان أللدغة ...جوه أذاني ملخني
ما أعرف يحركني...لو يحكني...لو يوجعني .
هسه أريد أشيل أيدي...وألزم مكان أللدغة ما أكدر
أيدي ما تتحرك ...
وهذا طعم ألزنجار بعدة بحلكي...لعب روحي
ما أعرف ليش...ما أكدر أتحرك...ولا أكدر أفتح عيوني
بس أحس جسمي كله مربوط .
شو شويه ...وهم رجعت صارت ظلمة ......
أنوب رجعت حسيت من جديد ....
وأحد يصيح بس صوته كلش بعيد ...
أسمع صوت....يمكن هذا صوت نور تبجي
وتكول//ولج يمه هديل لا تموتين ألمن تعوفيني
أكو هواااايه أصوات بعيده...بس ما أسمعها زين
وما أكدر أفرزنها ...هوسه وخبصة .
وأحس هوااااايه أيدين تلزم بجسمي ...
حسيت بجكة بيدي ...نزيت
وشوية ....شي بارد كام يبرد بجسمي
دمي غادي نار وتسعر...وهذا الشيء يتكاسر ويه ألدم.
شو هم رجعت وصارت ظلمة .......
بس هنا ماكو هوى أنطكع ...
أريد أتنفس ما أكدر...بلعومي طبك كام ما يسحب هوى
بهاي ألظلمة وألخنكة...
شفت مرأة أجت تمشي عليه من بعيد ...
وبيدها شمعة ما أدري فانوس...وكل ما تتقرب تضوي هاي ألظلمة أكثر...وأكثر .
من وصلت يمي...
شفت نفسي نايمة على قريوله بيضة
والمرأه طلع بيدها شمعة...خلتها فوك راسي
ثبتتها على طرف ألقريوله...ضوت بيها ألمسافة بس على كد ألقريولة .
دنكت عليه وباستني من كصتي
باوعت عليها ...هاي أمي شهلاء ....!!!
ريحتها فد طيبة...وشكلها حلو...وبعدها صغيرة
نفس ما شفتها أخير مره...من شنقت نفسها بالبنكة.
ضحكت بوجهي...ولزمت جف أيدي شلون ألتمسح علية
هي ضحكت..ودارت وجهه..شلون تباوع على نهاية ألغرفة...بس من رجعت...وألتفت علية صارت نور... !!
بس نور مو هذا شكلها الأعرفة ...
لا بعد أصغر من عمرها ... وفد حلوه وبيضة
ولبسها يخبل كلش مستور .
بسرعة أختلف عن لبس أمي شهلاء ألأجت بي.
شاورتني...وتضحك بصوت ناعم...كالت كولي وراية//
أشهد أن لا إله إلا الله...وأشهد أن محمدًا رسول الله.
أنت تقرأ
حصاد المواسم
ChickLitلكل زرع موسم لحصاده .. وعادة ما يحصد الزراع نتاج ما يزرعون .. ومواسم الحصاد هي مواسم اُنس وفرح وغبطة , إنها لحظات جني الثمار .. بعد جهد وتعب , وبعد عناء سواء طال الموسم أو قصر ..
