حصاد المواسم

ح ٣٠ (( ألجزء ألثاني ))

ألحلقة ألثلاثون ///من أحداث قصتي///

بعنوان /////حصاد ألمواسم

خطت بقلم ///فراقد حسن علي ///

----//////----//////----//////-------/////---------

وترحل....صرختى.....تذبل
في وادي... لاصدى يوصل.....ولا باقي أنين
زمان الصمت....يا عمر الحزن..... والشكوى
ياخطوة ماغدت تقوى...على الخطوة على هم السنين
---------//////---------//////----------///////--------

والعزة والمصيبة ألجبيرة شوكت...من أبوية دز علية..

اجى باقر...وعلاوي أخذوني ...
ونور ما قبلت ترجعني ...
كالولها//أبوية محتاجها علمود كعدة قايد
محول هو وأخوانة وعمامة بالبيت عدنة .

أجت نور وياية ما عافتني...
وحسيون هم أجى يكول//موش أنا ألاعوف مرتي تمشي وحدها .

أخوان أزهيران كمال،،،وسلام،،،وعصام
ماحضورا بالكعدة...لأن هي نكرتهم بيوم ألصارت ألعركة
وكالتلهم //قايد هو وألي...
حضر عمها عزام وياها...وجاسم ،وباسم

كعدني أبوية بصفة...
ودز قايد يجيب مرتة أزهيران...
وصار كل ألحجي كدام ألرياجيل .

بس أني هلمرة الله هداني...ونكرت شغلة وجذبت بيها
من سألوني//عليش تكولين محمد يتخل وياها بالمطبخ
كتلهم//عودين ردت أبزها بالحجي...وغدرني ألساني
وما عرفت أسولف.

صارت هوسة شكبرها وشكدها ...
وأبوية...ومحمد...وحتى باقر وعلاوي
ناموا بركبة قايد...لأن ازهيران هي ألعالت بيه
أول شي...تهمتني عندي علاقة وية رجلها
وأنوب...عيرتني بمرض محمد
وتهمتني...أني حامل من وأحد من أخواني
وهي متقصدة تسوي هاي هوسة حتى تضربني .

هي صارت رعنة وكامت تصيح//هاي ألصفيرة خفيفة تتخل وية رجلي...وحاطة عينه عليه،
من يوم وفاة أبو صادق بالعزة...تتمضحك وياة
وبفاتحة أبوية تتخل وياة بيتنة ،،وبمراح حلالكم.

هنا سجاد...طفر عليها وخنكها من بلعومها .

وأبوية صلخة راشدي كدام ألكل
حتى يكسر عيونهم...ومايصير ألحك علينة ،

ومحمد صاح بقايد//سمعتها بنفسك وبوجودك
ما حشمتك...وماحشمتنة
ألك عطوة يومين...وتكعد فصل عشيرة بعشيرة
مو كعدة محب ... ومرضاة أخوة
ألظاهر حتى أنت سايكة عليك...وتخاف تفك حلكك وياها.

وقايد من وراها خطية صار بكد ألنملة ...
بقى بس يتعذر ويتأسف.

وعمها عزام تولاها بالعكال ...
وهي تعيط وتصيح صوته هرج بيتنه .

أبو قايد كام يبوس بمحمد ويهدي بي...
لأن كام يرعد ويعيط...علمود ما توصل ألسالفة للشيوخ

وسجاد يكمز هنا ... ويرد يكمز هناك
أنوب يهيج بسوادين محمد بالزايد .

أبوية كاللهم//أنطوني كتاب الله
وحطة بحظن أزهيران...هي ختلت ورة كميلة ونهلة
من عكال عمها.