#حصاد-ألمواسم
👇
#فراقد
👇
#ألحلقة (( ٢٢))
×××××××××××××××××××
((هديه لكل الحبايب 💐💐 ))
بديت أنعس ...أجتي نور كالت// راح اشر الملابس
بالمراح وأجى
كميلة مسويه أحبال للملابس بنهاية ألمراح
وداكتهن بالشمس...حتى بسرعة تنشف الملابس
أباوع على نور لبست عبايتها...وأخذت طشت الملابس
وطلعت برة للمراح تشرهن
أني كمت من مكاني ... وطلعتلي ملابس
ورحت للحمام سبحت...جلفت جلف بصابون مال دهن
وليفت رجليه بالتايت .
طلعت ...لكيت نور بالمطبخ ...
مخلصة شر الملابس ... وراجعة للبيت
أخذت المشط ... ومشطت على المرايه
حتى مو واضحة منغمشة...موجودة فوك المغسلة البرة
هو شعري طلع ... بس قصير
شوية اطول من شعر الولد ...بس سرح وثخين
أجى علاوي من المدرسة ...
صار بصف الثالث متوسط ...سقط العام بصف قديم
لان توفى اخوة عطأ ...وانوب ناهض...وأنوب حياة
وبقى ملتهي مايقرة
وباقر هم أجى من المدرسة...هسه صار بصف الثاني متوسط ... أبد ماعندة سقوط
وسجاد بالرابع أبتدائي ... زين شايل روحة مو كسول
باقر بس يفوت للباب وصاح// جووووعان
يمة كميلة شمسوية غدة
وهلكد ياكل..ولا يبين بي الاكل ...ضعيف
جنة شطب رمان
علاوي فات للمطبخ ...وفتح غباغت الجدوره
يشوف شنو طابخة نور .
وباوع على نور كاللها // خالة خليلي غدة
بين ماابدل هدومي .
أني وأكفة باب المطبخ ... هو فات من يمي وتعدا
ضايج ... وأصلا ولا يباوع علية
نور صاحت على باقر كالتله // أمشي بدل ملابسك
ولا تعلس خبز حاف ... هسه أخلي الغدة
سجاد أجى يركض من غرفة ألسيد
مبدل ملابس المدرسه ...ماظله وگت مايلحك على دوامة ... وميعرف يشكل السحاب ...ويصعدها ،
نور كعدت نص كعده ... وشكلتله السحاب
وأخذته للمغسلة غسلت وجهه ...
ونكعت شعره ... ومشطتله
هو راح يركض للغرفة ياخذ جنطتة ...
نور صاحت علية ... وسوتله لفة ...
خبزه ... وبتيته سلك ... وشوية خضرة .
لفتها بالعلاكة خلتها اله بالجنطة
وهو طلع يركض من البيت
نور صاحت عليه كالت// تعاي اعلمج تخلين الغدة
للولد .. لو للسيد ...لو للخطار ...
يعني ترتبين المواعين ...شي سهل مايضوج
كتلها// أعرف أصب الأكل ... هسه أني أسوي
خليت الغدة للكل ... ونور بس تراقب بيه
وكلشي أسوي تكلي // عفيه خوش بنيه ...
صدقة للبنات اليسمعن الكلام
أنت تقرأ
حصاد المواسم
ChickLitلكل زرع موسم لحصاده .. وعادة ما يحصد الزراع نتاج ما يزرعون .. ومواسم الحصاد هي مواسم اُنس وفرح وغبطة , إنها لحظات جني الثمار .. بعد جهد وتعب , وبعد عناء سواء طال الموسم أو قصر ..
