#حصاد-ألمواسم
👇
#فراقد
👇
#ألحلقة((٥٢))
×××××××××××××××××××
نمتي ..... هنيالچ غفيتي ..
وآنة ليلي يمر على عيوني صبح
الينيَّم وردة ويمسد عليها..
مو مثل ليلولي وينيم جرح .. !!
والغفه ابكلمة محنه ..
مو مثل الينام وبعينه ملح ..!!
×××××××××××××××××××××××
هديل // كمت أبجي بصوت عالي
وكلته//ولك علاوي خوية ألحكلي ...
وين أروح ... وين أنطي وجهي.
والله هو أعتدى عليه...وأني ما قبلت
حتى ما خليته يبوسني
بس هو ألحقير طخني ....!!!!
كميلة عاطت // عززززه وصخام
محمد طخيت ألبت ...؟؟؟
وهو المصروع عاط// ولج منو ألطخججججج
باقر تقدم عليه...وكعد كدامي...ولزمني من أيديه
يكلي//هديل بس لا تخافين...وباوعي عليه
صح صدرج متنك...وبالكوة تتنفسي
بس ركزي وياية...
يعني عمي محمد طخج...ومس عذريتج.
كميله كامت تعيط// يبوووووو ياهل عرب
عززززه وصخام ألصخم حياتي...راحت ألبت .
كتلها// ولج يمه...والله أني ما قبلت
بس هو سيطر علية وطخني .....!!!!!
هنا أبويه ألسيد تسودن ...وكام يكفخ بمحمد على علباته...ويصيح// الله لا يرضى عليك
ليش نكست راسي بالخيسة
كتلك ما أزوجها ألك...وأنت وعصام لطشتوا
كتلك ألبت فقيره...وفطيره ما تعيش وياك
تكسر ظهري بهاي سالفتك ألغمة ليش
من كونك نايم بالتراب...ولا فاعل هاي فعلتك ألجايفه
وهو كام يدبج ويصيح// شبيكم ما طخيتها
خررررب بيها من ساعة سودة .
اني هنا قفل صدري من ألتنگ ...
هم خوف...وهم ألتفكير أكل راسي...
يعني هسه أني صرت بنيه خربانه لأن محمد طخني...
يبووو يعني أنفضحت ...وين أطم روحي .
وهم ألبيت أنخبص...ألولد...وأبويه...ومحمد ألمصروع غدوا لحم ...ناس تاكل ناس.
علاوي راد ياخذني للمستشفى...كميلة تسودنت
تعيط//محد بيكم يوصل ألباب ألشارع
ننفضح...وننشهر...وتصير سالفتنه على كل أللسان.
باقر كام يصيح//بس أسكتوا خل أفتهم دربي...
هسة أني أجيبلها علاج من ألمضمد صمد
بس يمة كومي جيبيلي جدر مي فاير...وخلي بي نعناع
خلي تستنشق بخاره...بين ما أروح وأرجع
وصدك باقر بس بدل ملابسة وطلع من ألبيت
وألمصروع ما أعرف بي وين راح
أبوية وألولد كابلوني وكعدوا...يهفوف على وجهي
وكميله راحت تفورلي جدر مي .
أبوية كال ألعلاوي//بكل بهدوء روح جيبلي خالتك نور وتعال...كلها أمي تكول تجيني محتاجتها بشغله
لو طلع أي سالفة من عندك...ما أريد أحد يعرف شنو ألموضوع .
أنت تقرأ
حصاد المواسم
ChickLitلكل زرع موسم لحصاده .. وعادة ما يحصد الزراع نتاج ما يزرعون .. ومواسم الحصاد هي مواسم اُنس وفرح وغبطة , إنها لحظات جني الثمار .. بعد جهد وتعب , وبعد عناء سواء طال الموسم أو قصر ..
