#حصاد-ألمواسم
👇
#فراقد
👇
#ألحلقة(( ٢٦))
×××××××××××××××
ﻳﻤﺘﻪ ﺍﻟﻜﺎﻙ ...؟
ﺍﻧﺎ ﻣﺤﻴﺮ ﺍﻟﺪﺭﺏ ﺑﺠﻔﺎﻙ ..
ﺷﺎﻳﺐ ﻣﻦ ﺃﺭﺩ ﻟﻠﺒﻴﺖ ..
ﻭﻃﻔﻞ ﻣﻦ ﺍﺭﻛﺾ ﻟﻤﻠﻜﺎﻙ ......
×××××××××××××××××××××××
طلعنه لبغداد
أني . ونور . وكميلة . ومحمد . وحمودي . وعون.
وعون الخايس بالطريق زوع علينه ...يجيب ويعلف بعيونه المطي .
وهو صوج محمد المصروع ...
ما صعدنه بالريم ...أخذلنه سيارة صغيرة ...
هو ترندح بالصدر مرتاح ...وأحنه أنحشكنه بالكشن الوره
أنوب الطريق صار شطولة...تمشي السياره ومايخلص
لحد ما وصلنه البغداد ...أطبكت ظلوعي
كاعده بالنص ... بين كميلة ... ونور
وعون راسة راس النمل الفارسية ...
كاعد بصف الجامة ...عود يشتم الهوى أبو نغفة
لعب رواحنة .
محمد...وكميلة ...ما يندلون زين بشوارع بغداد
نور أدلي بالسايق على الطريق ...
لحد ما وصلنه لبيتهم .
من راس ألشارع ... ونور دموعها هلت على خدها
محمد سألهن // عدجن مفتاح ؟؟
نور كالتله// كلشي ماعدنه ... أنتم أخير شي
وصلتوا الهذا البيت.
عاد محمد ألمصروع ...كام يدفر بالباب برجلة
يريد يفتح الكيلون .
على صوت الدفرات...طلعوا الجيران البصف بيت نور
ومراه عجوز ...شكلها مو هلكد تشوف ...لان تعمص بعيونها ...وصاحت على محمد...كالتله// يوم محتاج شي ... ؟؟ ليش أتكسر بالباب ...؟؟؟
نور ردت عليها // شلونج خاله أم فوزي
أني نوره بت أبو سعدي ..عرفتيني
العجوز خلت أيدها على كصتها تفئ لعيونها ...
لان صاير عليهن ضوه الشمس ...
وصاحت // ياااا ولج نويره هاي
أنتي وين جنتي ...وين صرتي ...وين صار بيج الوگت
جيران الدربونه ...بدوا يطلعون على صوت الدفرات
عاد العجوز صاحت على محمد// ولك يوم أنت مجنون لو ما تسمع الكلام ...كافي أدفر بالباب ...
هسه نجيبلك المفتاح ...خلته عدنه أم ساجدة
حاجت ولد صغير ... جان واكف يمها ...
وهو فات ركض للبيت .
وهي أجتي تتمشى بخطوات تعبانه على نور ...
ما باوستها ... بس من بعيد سلمت عليها .
وكالتلها // نويره من الحرامية سطوا على بيتكم
وصارت حادثة القتل ... عبالنه قتلوج ويه خواتج
خالتج أم ساجدة ... هي الحرست بيتكم
لحد ما كملوا ألشرطة التحقيق ...
وكالت// لزموا الحرامية وأخذوا الجزاء العادل
وعرفنه من عدها ... أنتي مسافره بره العراق
نور سألتلها // وهسه وين صارت خالتي أم ساجدة
أنت تقرأ
حصاد المواسم
ChickLitلكل زرع موسم لحصاده .. وعادة ما يحصد الزراع نتاج ما يزرعون .. ومواسم الحصاد هي مواسم اُنس وفرح وغبطة , إنها لحظات جني الثمار .. بعد جهد وتعب , وبعد عناء سواء طال الموسم أو قصر ..
