#حصاد-ألمواسم
👇
#فراقد
👇
#ألحلقة(( ٢٨))
×××××××××××××××××
واضح بعد مايحتاج تتعذر ....
من نشفت الشفة ولونها أتغير .....
من ثلج البديك يصل صليل وداع .....
والحجي السلس بلسانك اتعثر ......
-----------------
لاتنسون......((((((🌟))))))
على ألعشاء ومحمد جنية جان برة
وأجى كعد على صينية ألاكل ...
بعد ماكال // السلام عليكم
وكعد كال // شلونهم ألاحقرين ؟؟!!
أني هنا صدك طكت أخبالاتي ...
جنت كاعدة بصف نور ...وبصفي سجاد
وانوب هو محمد جنية .... كمت من مكاني بسرعة
وهجمت علية ...خنكتة من بلعومه
خنكتة بثنين أيدية ...الكل تفاجئ بهجومي علية
هو كام يضحك بخبال ...ولزم أيدية ويوخرني عن ركبته ...
وأني كمت أعيط ...وأبجي ... وجازة على سنوني
وكمت أضرب بي وأصيح // ولك محمد المصروع
محمد جنية ...أنت مخبل ... تريد تخبلني وياك
ولك عوفني بحالي ...أذبح روحي وأخلص من عندك
وهو يضحك بخبال ...وشمر روحه على ظهرة
وتمدد بصف الصينية ....وأني كمت أدفر بي برجلية
وبهاي الاثناء ...كميلة كامت تحجي علية وترزل بية
وألسيد يكلي // بوية شمالج تسودنتي عيب هذا عمج
ونور لزمتني .. تريد تهديني
وأني أدروشت علية ...أضرب بي وأعيط
.... وهو خبلني يضحك بالزايد
وما أحسن ألا نور سطرتني براشدي ثولت راسي ...
وجرتني من شعري بقوة ...
وبعدين دفعتني كدامها من جتفي
وطلعتني برة الهول ... أخذتني الغرفتنة .
وألسيد ...وكميلة ...وحتى هو محمد جنية
يصيحون عليها // عوفيها .. وشبيج وياها
بس دخلنة للغرفة ...
وهي نور كامت تلطم على وجهه ...وتكلي//ولج هديل هيج تفشليني ...وتخجليني.
ولج هاي ترباتي بيج ... وتعبي عليج .
تهجمين على الرجال ..وهو كاعد بنص أهلة وبيته
ولج ما أستحيتي وخجلتي من نفسج ...
ولج لو ضاربج وهاينج كدامهم ...جان شتسوالج
ولج خبلتيني ... شبيج أصحي على زمانج
مو حتى الجاهل ... ما يتصرف نفس تصرفاتج
شلون أهج من وراج ...
كليلي شبيج ... ولج ليش هيج تصرفين
كعدت بالكاع ... وكامت أدك على صدرها وتلطم
وتبجي .. بقهر وحزن
أني وكفت بطرف الغرفة ... وعلى فد بجية
وهواية أستحيت من الموقف ...
وأنقهرت لان نور ضربتني كدامهم
وأنوب أنقهرت على نور لان أنحرجت ...وأنقهرت
من وراية ....
بقيت وأكفة بمكاني وأبجي ...
وهي نور بقت على كعدتها...
رحت مشيت وأخذت فراشي ...
فرشت ولفيت راسي ونمت ...
وصوت شخطة ألبجي بصدري ... وكلش مقهورة
يبووو ... كعدت أريد ألهوى ماكو ...صدري متنك
كمت ألاكف بيدة ... هوى الله خلص من الكاع
كمت من مكاني بالكوة ... وروحي عزت علية ...
هواية خفت .
أنت تقرأ
حصاد المواسم
ChickLitلكل زرع موسم لحصاده .. وعادة ما يحصد الزراع نتاج ما يزرعون .. ومواسم الحصاد هي مواسم اُنس وفرح وغبطة , إنها لحظات جني الثمار .. بعد جهد وتعب , وبعد عناء سواء طال الموسم أو قصر ..
