ألحلقة ألخامسة والثلاثون///من أحداث قصتي///
بعنوان /////حصاد ألمواسم
خطت بقلم ///فراقد حسن علي ///
----//////----//////----//////-------/////---------
طفل كلبي بغيابك ماله والي...
وغده الشيب اعله راسي ماله والي...
عضو من اعضاي وكتي ما لوالي...
لجن ضيمك لواني وعم عليـّه .
×××××××××××××××××××××××××
هديل//بعدني ما أرتاحيت من ضيم وجع الولاده
وهستوني طلعت من المستشفى...والكل فرحان ويايه
علمود جيت غيث بسلامه...ومحمد سوالي عرس
علمود خرزة عمته أم ناهض .
أني غبيه...راحت من بالي أني ضميتها هنا
جنت بين فتره وفتره أطلعها بالبسكوت
من محمد ما موجود...وأبقى اتفرج عليها..
وأكلبها بين أيدية...وأكلها //يعني أنتي هيج بيج زود
وتخلين أم ناهض مسيطرة على ألكل...
هسه مو ضامتج عندي ليش كلشي ما تسويلي...؟؟
لو هذا هم حظي ما كعد وياج ...!!!
محمد من تلاغت وياه نور...وعرفتها تريد أدافعلي
حتى لا يأذيني لأن تسودن وكام يرفش من ألأعصاب
وكالتله//هاي الخرزه إليه ...
وهي جذب مو ألها...بس مو تروح وترجع علينه
صار عدها علم أم ناهض ضيعت ألخرزه يمنه...
وشي أكيد من وحدها أفتهمت من شافتها بيد محمد أني ضميتها عندي...عودين رادت تخلصني من هذا
ألموقف ألجايف الخليت نفسي بي .
محمد بعد ما تلاغه وياها...سكت عنها
باوع عليه وكالي //هديل أحلفي بهذا القرآن
عرج السواحل هذا موش العمتي أم ناهض .
هنا كميلة عاطت//برررد شرررك محمد لا تسودن علينه
ألبت نفسه...وأبنك لحيمي...ما لحكنه نفرح بي
شنهي تحلفها بكتاب الله...روح رد ألكتاب
وهاي الطركاعه منين ما جبتها...ويصير خير .
وكالت الفاطمة //جيبلي كتابكم.
نور هنا زعلت...كامت تلبس بعبايتها...وأخذت فردوس من أيد باطلة...وتصيح على جهالها//أطلعوا كدامي أمشوا للبيت.
علاوي كاللها//خاله وين ماشيه بهذا الليل
كولي يالله .
كالتله//أسأل عمك خوش حشمني ...
أخذت جهالها وطلعت زعلانه.
أبويه كال ألكميلة//كومي وراها شبيج كاعدة
ااااخ من سوادينك محمد...ما تعرف تلزم نفسك شوي وتوزن الأمور صح .
محمد كاله// أنا العايل موش فاضل وزتيت السالفه على راسي...وبنتك بريتها.
أبويه كاله//محمد تجفى الشر...وخلينه فرحانين بالوليد...ويصير خير...ما خلصت ألدنيا.
باوع علية محمد وخزرني...كالي//فلا أنسالج هاي ألناقصة...وطلع من ألغرفة.
اني بقيت أرجف من ألخوف...محمد رجلي وأعرفه كلش زين...من تحلف بيه ،، يعني راح يطلع روحي بسوادينه.
أنت تقرأ
حصاد المواسم
Chick-Litلكل زرع موسم لحصاده .. وعادة ما يحصد الزراع نتاج ما يزرعون .. ومواسم الحصاد هي مواسم اُنس وفرح وغبطة , إنها لحظات جني الثمار .. بعد جهد وتعب , وبعد عناء سواء طال الموسم أو قصر ..
