ألحلقة الثانية و ألخمسون ///من أحداث قصتي///
بعنوان /////حصاد ألمواسم
خطت بقلم ///فراقد حسن علي ///
----//////----//////----//////-------/////---------
أخوية انت ويمنتي ... ألك فدوة ركبتي
ولك بس بيك أزامط ... يا ضلعي وكشختي
÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷
كاعده بليل احضر بملابسي وملابس جهالي
وبتول تلبس وتنزع...وكلساع يا رايحه ياجايه
من الحمام...تشوفني ملابسها باجر كعده نبأ ...
واحنه المخبوصين والمعرسين مو نبأ .
اجى عون وكالي //تعاي باقر يريدج بيته
عفت جهالي وهوستهم يمهم بتول
وانداريت على بيت باقر ....
لكيته بس هو بالبيت ...
كتله //وين مرتك وجهالك...؟؟
كالي //بيت علاوي ...
هنا اجى عون يتلفت...وقفل باب الهول
وأجى خايف وجهه ينطي الوان .
باقر فتح ايدي وخله بيها حبايه وكالي//هاي الحبايه
باجر تخلين نبأ تشربها...بس بشرط كون تبقى ساعه
بمعدتها...وكبل لا تنطي موافقتها لسيد مهدي .......
انصدمت بقيت أباوع على الحبايه هي بس وحده
كاص شريط العلاج ومبقيها بس وحدها بالغلاف
وأباوع بوجه...كتله //شنهي هاي
ماليش هاي الحبايه.
عون جرني من ايدي وكعدني على القنفه
يحاجيني بتوسل وكالي//هديل انتي موش دوم
تكولين أنت أبني موش أخوي ...
باجر محتاج فزعتج وياي ...
بس قنعي نبأ تبلع هاي الحبايه...
وألعباس كلشي ما يصير بيها ...
بس تفقد ساعه ساعتين وراها تكعد كلشي مابيها
وباقر هو راح يعالجها وكلشي ما عليها ...
بس نريد نخرب ملجتها وابن عمها تجز روحه منها.
كتله//بس كلي هاي الحبايه ماليش
خو ما تموتها من تشربها.
جاوبني باقر //هديل ركزي وياي ...
انا أكدر أنطي الحبايه لامي وهي وخالتي يتفقن بيناتهن
ويخلن نبأ تشربها ونخرب الكعده ...
بس ما أريدهن يعرفن بهذا اتفاقنه...
عبن لا راح يخافن ولا راح يعيطن ويخربن الكعده
راح يصرفن عادي وما يهوسن عبن كلبهن بارد
أنا واثق بيج ...واعرفج سبعه وينشد بيج الظهر
أريدج باجر تكلبين الكعده عليهم عزه .
هاي الحبايه شلون حب المنوم...
الواحد من يشربها وره ساعه ينام
ونبأ من تنام واكيد هي كاعده بين ألنسوان علمود حفلتها...شحسبالهن أمها وامي وباقي ألنسوان
هي تخربطت وفقدت .
أنا هنا راح اطفر من اسمع كب صريخ ألنسوان
وأخذها اروح بيها للمستشفى...
وهناك افكر بمرض واطلعه بيها وأبلغ أبوها وعماها
وبلكت هذا الدوني تجز روحه منها ويعوفها.
كتله//عفيه باقر اخاف يصير بيها شي شلون
خاف تموت .
كالي بضحكه//بويه هذا علاج عادي
يصرفوه للناس بالمستشفى
والواحد من ياخذه ينام
لا تخافين ما يصير عليها شي .
أنت تقرأ
حصاد المواسم
ChickLitلكل زرع موسم لحصاده .. وعادة ما يحصد الزراع نتاج ما يزرعون .. ومواسم الحصاد هي مواسم اُنس وفرح وغبطة , إنها لحظات جني الثمار .. بعد جهد وتعب , وبعد عناء سواء طال الموسم أو قصر ..
