حصاد المواسم

ح ٧

#حصاد-ألمواسم
👇
#فراقد
👇
#ألحلقة((٧))
÷÷÷÷÷÷÷÷÷÷÷÷÷÷÷÷

-((أسفة لبشاعة ألصورة ،لكنني لم أجد أرتب منها لتوضيح ملخص ألحلقة

وأسفة مرة أخرى لبشاعة بعض المشاهد والكلمات التي خطت بها أجزاء من هذه الحلقة ))

ترددت كثيرا  بكتابة هذه الحلقة
لكن كنت مجبورة على الكتابة
وأختصرت المشاهد وبطنت كلماتها
لانها مرتبطة بسلسلة لنهاية القصة

تقبلوا أعتذاري مرة أخرى

تحياتي للجميع أختكم فراقد........

÷÷÷÷÷÷÷÷÷÷÷÷÷÷÷÷÷÷÷÷÷÷÷÷

نرجع لأحداث قصتنه

بقت أقبال ..... ونور .....وأنوب أجت ساجدة
بقن خايفات على أبتهال وحدة تصبر بالثانية

هاي ساجدة تصير بت خالتهن باسمة
بس مااعرف ليش ماعدها أب!!!
وهي صغيرة بالعمر ....شكلها اصغر من نور بهوايه
بس هواية حبابة وتحبني ....ودائما تصبغلي اظافيري وتمشطلي تسويلي ظفاير حلوات

وصار ألمغرب
وأني ونور ألحبابة صعدنة للغرفة
وأبتهال ماكو مااجتي للبيت .....

نور بقت تبجي ،
أني كل هاي المدة المضت العشتها يم نور
ما شفتها فد يوم صلت للرب
بس بهذا اليوم شفتها غسلت ايدها ووجها ورجليها بالسطلة .واخذت كتاب طلعتة من كنتورها
وبدت تقرأ بي وتبجي

أجيت يمها وباوعت على الكتاب ....
حلوه كتابته ....وبي هواية كتابة
واسطر صغار ..... والخط مرتب

مديت ايدي ولزمتة
نور كالتلي // وخري ايدج حرام أنتي ما متوضية
هذا الكتاب مقدس ....ميصير تلزمينه اذا ما تتوضين لانه كلام رب العالمين
أسمه القران ... وهو كتاب نبينا محمد ...
يعني كتاب المسلمين
انتم ألمسيح كتابكم ألأنجيل ... وهو كتاب النبي عيسى

بقيت اباوع عليها شلون تقره وتبجي
بقيت كاعدة يمها وأسمعها تكول ((أَلَمْ أَعْهَدْ إِلَيْكُمْ يَا بَنِي آدَمَ أَنْ لَا تَعْبُدُوا الشَّيْطَانَ إِنَّهُ لَكُمْ عَدُوٌّ مُبِينٌ (٦٠) وَأَنِ اعْبُدُونِي هَذَا صِرَاطٌ مُسْتَقِيمٌ (٦١) وَلَقَدْ أَضَلَّ مِنْكُمْ جِبِلًّا كَثِيرًا أَفَلَمْ تَكُونُوا تَعْقِلُونَ (٦٢)
هَذِهِ جَهَنَّمُ الَّتِي كُنْتُمْ تُوعَدُونَ (٦٣) اصْلَوْهَا الْيَوْمَ بِمَا كُنْتُمْ تَكْفُرُونَ (٦٤) الْيَوْمَ نَخْتِمُ عَلَى أَفْوَاهِهِمْ وَتُكَلِّمُنَا أَيْدِيهِمْ وَتَشْهَدُ أَرْجُلُهُمْ بِمَا كَانُوا يَكْسِبُونَ (٦٥)))

وتعيد بالكلام وتشهك وتبجي بصوت عالي
وأنوب رجعت قرت الكلام بصوت عالي ....وتبجي بخوف
وتكول // ربي أجرني ووالدي من عذاب جهنم
بحق رحمتك وكرمك

وكملت القراية .....
وانوب باست الكتاب وخلته على صدرها وحظنتة ودموعها تنزل بحظنها
وبقت تقرة قران على قلبها حافظته
وكالت // اهدي ثواب سورة الفاتحة وسورة يس
لأبوي محمد وأمي عواطف