#حصاد-ألمواسم
👇
#فراقد
👇
#ألحلقة((٤٩))
××××××××××××××××××××
عل كيفــــك علي من تشمر الكلمات
اذوبن لايغـــــــــــــرك مظهري وشكلي
من كبريت كلبي مو حديـــــــــــد اشبيك
بس ادكلي احبك اشتعل كلــــي💞💞💞💞
———————————————————
بيوم ألطلعوني من ألمستشفى...
سودة علية أبوية ألسيد بنفسة أجى طلعني
وياه وكميلة ...ومحمد ألمصروع
وجاي وياهم حسيون علمود سيارته .
من وصلت للبيت...نور هلكد بجت...وبس تبوس بيه
وأنطت فلوس للسيد...وحلفت ما تاخذهن
وأشترت من عدهم طلي ذبحة ألمصروع جوة رجلية.
ألصدك صارت بيه خوفة...
كمت يافراش أنام بي أشبعة نفض...وأنكته مية مره قليل...حتى فراش ألولد ،،وألملابس أنفضهن خاف لا أكو بيهن دودة لو عكرب...صار بيه واهس ...ما أدري خوف
كمت كلشي ألزمة انفضه .
حتى ألسيد كال لكميلة//عينج على ألفراش وألهدوم
ترى هذا ألدوه مال عثة ألرشيناه...وأنوب ألجو حار
يطلع ألدبيب من جوة ألكاع ديري بالج .
أني هنا ماعندي قوة أتحرك...لو أشتغل مثل قبل
يادوب أروح للتواليت...لو أسبح...لو أبقى كاعدة شوية
نسوان ألديرة أنكلبن علينه...كلساع جايات وجبه
يسلمن عليه...ويتحمد الله على سلامتي
وهم يواجبن كميلة ...
شكد جمعت قطع قماش ...وفلوس
ماعده الفواكهه...وقوالب ألكيك مال بيت
وأبطالة ألحليب...وأبطالة ألشربت لو يافا لو نادر
لو جياسة ألجكليت ...
خطية ماقصروا ألناس...كلهم يدعون ألبيت ألسيد وإليه بسلامه.
بس ألصراحة ...وبدون جذب
فادتني هنا شغلة وحده...شغله أصنط على ألحجي
أني أحب أسمع كلشي ...
وألفضول يموتني أذا ما أعرف شنو ألسالفة ....
من يجن ألنسوان يسلمن...ويكعدن شوية...أسوي روحي نمت...وأغمض عيوني أسمع ألحجي براحتي.
هاي ألفكره صارت ويايه بالصدفة...من جنت بالمستشفى من أسنطت على حجي محمد ألمصروع وعصامكو...وهسه كمت أنفذها بالبيت وأسمع ألحجي براحتي.
وهاي ألفكره فادتني من صدت كميلة...وندى
يسولف سوالف مال نسوان كبار...
بيوم لأجتي ندى علية ألعصر...جابها باسم رجلها
حتى تشوفني...سلمت عليه...وخلت جوة مخدتي فلوس.
أني نايمة بغرفة كميلة...لأن تخاف عليه بليل أنام وحدي بغرفتي...وألولد صارت نومتهم وكعدتهم بالهول
شوية وسويت نفسي نعست...وكمت أغمض بعيوني
هو جذب أني مو نعسانه...بس بلكت أسمعهن شيحجن
كميلة كالت//عايني يا ندى...من طلعت ألبنية من ألمستشفى والهسة...هوايه تنام ما أعرف طركاعتها شنهي...حتى أبو عطأ راح وسأل ألمضمد صمد عن حالتها...كاله//لا تخاف عليها...خليها تنام لأن جسمها تعبان من أللدغة.
أنت تقرأ
حصاد المواسم
ChickLitلكل زرع موسم لحصاده .. وعادة ما يحصد الزراع نتاج ما يزرعون .. ومواسم الحصاد هي مواسم اُنس وفرح وغبطة , إنها لحظات جني الثمار .. بعد جهد وتعب , وبعد عناء سواء طال الموسم أو قصر ..
