ألحلقة ألثانية ///من أحداث قصتي///
بعنوان /////حصاد ألمواسم
خطت بقلم ///فراقد حسن علي ///
————//////———-//////————
خذني يمك
لا يشدني مغازل عيونك"وأعبـدك" وأنفـضح.........
×××××××××××××××××××××××××××××××
من طلعت من ألحمام،،،رحت أمشي أريد أدخل للهول
أسمع صوت ألنسوان والله أعرف هذا ألصوت ....
دخلت وأنصدم بشوفة فليحة أم أنعال
وأختها الجبيرة،، ومرت أخوها
وألعباس كلبي نغزني من جيتهن ...
أهل أنعال صارلهم شكثر مجافين بيت أبويه
شمعنى أليوم أجن نسوانهم وتذكرن .
ألهول صلوات على ألنبي مليان ناس
كاعد محمد...وأبويه ألسيد وكميلة
وألولد كلهم ... وفاطمة ونهلة
وطوعة وأنتصار ...وأهل أنعال ،
دخلت وسلمت عليهن...وباوستهن...وهن باركلي
بس أخت أنعال...تخوزر بيه تريد تاكلني
أني ولا أهتميت ألها .
رحت وسلمت على نهله...وفاطمة وباركتلهن
ورحت ألغرفتي .
والله كلها بكوم...وألمستحة وألخجل من أبوية وألولد بكوم...ألموقف كلش يفشل...والله صعبة وأحسهم يباوعون علية .
كعدت أمشط...أجاني محمد معقج قلاقيل وجهه
كتلة // شبيك ضايج
كالي //يعني ليش ميلوكلي ألفرح
لأزم دوم أبقى مغثوث...ومكدر ألخاطر .
خليت ألمشط على ألميز ورحت كعدت بصفة على ألقريوله...سألته//شبيك محمد شصاير
باوع بوجهي...ولزم أيدي كالي//عايني هدولة عمامي متحزمين على ألشر...وأنا مستعد أعدم روحي بيدي
و ما أنفذ خطتهم .
فد خفت من سمعته كال هيج...والله كلبي نغزني
رجعت سألته//شكو محمد...يا شر هذا ألتحجي علية
جاوبيني//عايني هدوله،،،عمامي ما رضوا يجون ويايه على فاضل ويخطبوج أليه...ألا بعد ما شرطوا علية شرط متحزم بالخباثة .
كتلة // شنو هذا الشرط ...؟؟
جاوبيني// عوفي يولي لأن يجرح خاطرج
وألصراحة كل ال هاشم رافض فكرة زواجنه
بس عصام وأكف ويايه..ولد فاضل علاوي وباقر.
كتلة//ليش محمد ميقبلون تزوجني لأن أني برشة .
جاوبوني// تؤوو ...مو هيج السالفة
هدوله ما يقبلون على زواجنه...لأن يكولون عليج غريبه
وجابتج نور من ألشارع...وربيتي بحظن أقبال
ومانعرف أصلج من فصلج شنو .
عصام ساعدني...وراح لبغداد يسال عن أهلج
جابلهم حتى أسماء أجدادج ونبش بساسج وأكدلهم رسج نظيف يلا شويه قنعوا .
أنت تقرأ
حصاد المواسم
Chick-Litلكل زرع موسم لحصاده .. وعادة ما يحصد الزراع نتاج ما يزرعون .. ومواسم الحصاد هي مواسم اُنس وفرح وغبطة , إنها لحظات جني الثمار .. بعد جهد وتعب , وبعد عناء سواء طال الموسم أو قصر ..
