#حصاد-ألمواسم
👇
#فراقد
👇
#ألحلقة((٩ ))
----------------
ﺍﻟﻠﻪ ﻣﻮ ﻭﺻﻪ ﺑﻜﺘﺎﺑﺔ ﺃﻋﻠﻰ ﺍﻟﻴﺘﻴﻢ ؟
ﻟﻴﺶ ﻣﺎﺗﻤﺸﻲ ﺃﺑﻜﻼﻣﺔ ﺍﻟﻨﺰﻟﺔ
ﻟﻮ مية ﺳﻨﻪ ﺃﺗﺼﻠﻲ ﻭﺗﺼﻮﻡ
ﺭﻛﻌﻪ ﻣﺎﺗﻮﺻﻞ ﺍﺫﺍ ﻣﺘﻮﻛﻠﺔ
ﺍﻋﻜﺲ ﺍﻵﻳﺔ ﻋﻠﻴﻚ ﻭﺍﻧﺘﺔ ﺷﻮﻑ
ﻫﺬﺍ ﻟﻮ ﺍﺑﻨﻚ ﻣﺠﺎﻥ ﺍﺗﺪﻟﻠﺔ؟؟؟!!!!!
××××××××××××××××××××××
عافني السيد واكفه بمكاني ....
وأنطاني العلاكة البيها أوراقي الثبوتيه ...
وراح دخل من نفس الباب الجبيرة الطلع منها
وطب جوة البيت الله ....
بقيت واكفة بمكاني وأبجي ... مااعرف وين اروح
نور ملجأ الامان اليه ... هسه عافتني وحدي
بعد منو اليه ...
بقيت لازمة العلاكة بيدي وأتلفت وأبجي
مااعرف وين أروح ،
باوعت ... هاي أثنين قبب جبيره فوك السطح
وجوة أربع دنك جبيرة وضخمة
وبوسطهن أثنين بوب أكبار وضخمات
وهواية طويلات وكبار
وسياج على عرض الواجهية مال بيت الله
تمشيت وبقت أباوع وأكتشف المكان
باوعت اكو غرف هواية صغار داير مداير الطرمة
ومخلين أحبوبة مال مي بطرف الطرمة
وبيهن كلاصات شاديهن بخيط
رحت وشربت شوية مي
وين أروح والرب خايفة ،
اخاف هم أرجع أضيع
هسه لو يرجع الرجال رسول ويرجعني يم نور
ليش عافني وحدي هنا...؟؟
موً شاف الرجال السيد ما يقبل ياخذني وبقى يحجي على نور .
كعدت على دچة وحدة من هذني الغرف الصغيره
وضميت العلاكة بحظني .... وبقيت اباوع بوجوه الناس وابجي
اكو جم مريه يباوعن عليه ....ويروحن يمشن
يطبن لو لوحدة من هذني الغرف
لو يطبن جوة البيت الله
وحده وكفت كالت // يااا شنهي أنتي متيهه أهلج
ماجاوبتها بقيت ساكته وأباوع بوجهه...
هزت أيدها عافتني وراحت
بقيت كاعدة هووايه .. وبعد ما شفت الرجال السيد
انوب نعست ... كمت طبيت جوة بهاي الغرفة
وغفيت يم الحايط .....
فزيت صوت أذان مال دين نور
باوعت الدنيا صايره مغرب
كعدت ميتة من الجوع ...
وتعبانه ....
جسمي مااعرف ليش مكسر
علاكتي موجودة ضميتها بداخل بنطروني
ابو الشيالات من نمت
انوب بطني توجعني هوايه متحاصره
مااعرف وين أروح ....
كمت افتر بالطرمة ...
وسألت مريه كتلها //خاله وين التواليت اريد أروح
كالتلي // شنهي شتردين ؟؟
كتلها // متحاصرة اريد اروح أبول
كالتلي// ياااا قصدج وين مچان المرافقات
كتلها // اي اريد اروح
عاد دلتني على مكانهن ورحت
أنت تقرأ
حصاد المواسم
ChickLitلكل زرع موسم لحصاده .. وعادة ما يحصد الزراع نتاج ما يزرعون .. ومواسم الحصاد هي مواسم اُنس وفرح وغبطة , إنها لحظات جني الثمار .. بعد جهد وتعب , وبعد عناء سواء طال الموسم أو قصر ..
